Lời bài hát:
Kuv niaj hnub pheej xav txog koj kev hlub, Yexus ib yam hiav txwv loj ntsuas tsi tau;
Leej twg paub siab qhov dav saib qhov tob, Yexus, kuv ntshai tsis muaj ib leeg txawj paub
Koj hlub kuv, koj thiaj los hauv ntiaj teb, Yexus, tseg koj lub tsev zoo nyob puag saum ntuj;
Koj los nyob ntiaj teb no thiaj li tuag, Yexus, txhob txwm muab txoj sia los theej kuv.
ĐK: Kuv lub ncauj ua koj tsaug, kuv tug tswv Yexus, koj ris kuv lub txim saum ntoo khaub lig
Kuv lub siab nco ntsoov koj, kuv tug tswv Yexus, rau qhov koj hlub kuv tso kuv dim.
Kuv xav txog koj kev hlub, kuv tug Tswv Yexus, kuv tau txais koob hmoov suav tsis txheeb;
Tau mov noj tau dej haus, kuv tug Tswv Yexus, kuv muaj noj muaj haus ib sim neej.
Koj this kuv, koj cov tshav thiaj li nrog, Yexus koj daws kuv lub txim pov tseg huv si;
Koj txib vaj ntsuj plig los nrog kuv nyob, Yexus, coj kuv taug kev ncaj mus ib sim.
Koj kev hlub yam tshav ntuj ntsuas tsis tau, Yexus, yam li tej hnub qub hmo ntuj ci;
Yam xyoob ntoo nyob hav zoov pom tsi txhua, Yexus, koj tseem pheej hlub kuv mus ib txhis
Muaj ib hnub kuv yuav tau nrog koj nyob, Yexus, yuav tsa ncauj tsa lus los qhuas vaj tswv;
Kuv tsi txawj ua koj tsaug tas kuv siab, Yexus, kuv txhos caug pem teb pe koj xwb.
Koj kev hlub piv txog tej lub txhab nyiaj, Yexus, muaj nyiaj txiag puv nkaus siv tsis tas;
Koj twb muab huv si los pub rau kuv, Yexus, koj ua rau kuv muaj siab siv fab.
Koj niaj hnub muab ntau yam pub rau kuv, Yexus, kuv thov koj, noog kuv tej lus thov;
Koj pub tshav ntuj rau kuv ntau tag nrho, Yexus, kuv thiaj li sov siab ua neej nyob.