Klei Mmuñ Hđăp - Đoạn 128

1. Jăk mơak yơh grăp čô huĭ mpŭ kơ Yêhôwa, leh anăn êbat hlăm êlan ñu.

2. Ih srăng ƀơ̆ng boh mơ̆ng bruă kngan ih; ih srăng mơak leh anăn ih srăng mâo klei jăk.

3. Mô̆ ih srăng jing msĕ si sa phŭn boh kriăk ƀâo mboh lu, hlăm lam sang ih. Phung anak ih srăng jing msĕ si kƀiêng ana boh ôliwơ, jŭm dar jhưng huă ih.

4. Msĕ snăn pô huĭ mpŭ kơ Yêhôwa srăng mâo klei jăk jĭn.

5. Akâo kơ Yêhôwa brei klei jăk jĭn kơ ih mơ̆ng ƀuôn Siôn jih jang hruê ih dôk hdĭp; leh anăn brei ih ƀuh ƀuôn Yêrusalem đĭ kyar.

6. Brei ih dôk hdĭp tơl ƀuh phung čô čĕ ih. Brei klei êđăp ênang kơ phung Israel.