Klei Mmuñ Hđăp - Đoạn 126

1. Tơdah Yêhôwa atăt phung mnă wĭt kơ ƀuôn Siôn, hmei jing msĕ si phung dôk êpei.

2. Hlăk anăn ƀăng êgei hmei bŏ hŏng klei tlao, leh anăn êlah hmei hŏng klei mmuñ mơak. Hlăk anăn arăng lač ti krah phung găp djuê mnuih, “Yêhôwa ngă leh klei yuôm bhăn kơ diñu.”

3. Yêhôwa ngă leh klei yuôm bhăn kơ hmei, kyuanăn hmei mơak.

4. Ơ Yêhôwa, atăt phung mnă hmei wĭt, msĕ si êa hnoh hlăm čar Dhŭng.

5. Phung buh mdiê hŏng êa ală, srăng puôt wiă hŏng klei hơ̆k mơak.

6. Hlei pô djă mjeh nao buh hŏng klei hia, srăng lŏ wĭt hŏng klei ur hơ̆k djă ba čăp mdiê mbĭt.