Klei Mmuñ Hđăp - Đoạn 125

1. Phung knang kơ Yêhôwa jing msĕ si čư̆ Siôn, amâo dưi mgei ôh, ƀiădah dôk nanao hlŏng lar.

2. Msĕ si čư̆ dôk jŭm dar ƀuôn Yêrusalem, snăn mơh Yêhôwa dôk jŭm dar phung ƀuôn sang ñu mơ̆ng ară anei leh anăn hlŏng lar.

3. Kyuadah giê mtao klei ƀai amâo srăng dôk kiă ôh ngăn dưn phung kpă ênô, huĭdah phung kpă ênô yơr kngan diñu ngă klei wê.

4. Ơ Yêhôwa, ngă jăk bĕ kơ phung jăk, kơ phung mâo ai tiê kpă.

5. Ƀiădah phung weh đuĕ čiăng tui êlan wê, Yêhôwa srăng suôt diñu mbĭt hŏng phung ngă klei wê. Brei klei êđăp ênang kơ phung Israel.