Klei Mmuñ Hđăp - Đoạn 123
Bản dịch: Klei Aê Diê Blŭ 2015
1. Ơ pô dôk ti jhưng mtao hlăm adiê, kơ ih yơh kâo kngưr ală!
2. Msĕ si ală phung dĭng buăl êkei dlăng kơ kngan khua êkei diñu, msĕ si ală sa čô dĭng buăl mniê dlăng kơ kngan khua mniê ñu, msĕ snăn ală hmei dlăng kơ Yêhôwa Aê Diê hmei, tơl ih pap kơ hmei.
3. Pap mñai kơ hmei đa, Ơ Yêhôwa, pap mñai kơ hmei đa, kyuadah hmei tŭ leh lu đei klei arăng bi êmut.
4. Mngăt hmei bŏ leh hŏng klei bi hlă mơ̆ng phung mdrŏng, leh anăn hŏng klei mưč mơ̆ng phung mgao.