Klei Mmuñ Hđăp - Đoạn 122

1. Kâo hơ̆k mơak tơdah arăng lač kơ kâo, “Nao bĕ drei kơ sang Yêhôwa.”

2. Jơ̆ng drei dôk hĕ hlăm ƀăng jang ih, Ơ ƀuôn Yêrusalem.

3. Ơ Yêrusalem, ƀuôn arăng mdơ̆ng msĕ si ƀuôn kjăp leh;

4. tinăn yơh phung găp djuê Yêhôwa đĭ nao, tui si klei bhiăn phung Israel, čiăng bi mni kơ anăn Yêhôwa.

5. Tinăn arăng mdơ̆ng leh jhưng mtao klei phat kđi, jing jhưng mtao sang Y-Đawit.

6. Wah lač bĕ kơ klei êđăp ênang ƀuôn Yêrusalem; brei phung khăp kơ ih mâo klei đĭ kyar!

7. Brei klei êđăp ênang dôk hlăm wăl mnư̆ ih, leh anăn klei hơĭt hlăm sang mtao ih.

8. Kyua phung ayŏng adei leh anăn phung mah jiăng kâo, kâo srăng lač, “Brei diih mâo klei êđăp ênang”.

9. Kyua sang Yêhôwa Aê Diê drei, kâo akâo klei jăk jĭn kơ ih.