Singx Nzung - Đoạn 67

1. Tov Tin-Hungh korv-lienh yie mbuo, ceix fuqv bun yie mbuo. Tov zoux longx bun yie mbuo,Selaa

2. weic bun lungh ndiev mienh hiuv duqv meih nyei jauv-louc, yaac bun maanc guoqv haih hiuv duqv meih nyei njoux en.

3. O Tin-Hungh aah! Tov bun fingx-fingx mienh ceng meih. Tov bun maanc fingx ceng meih.

4. Tov bun maanc guoqv a'hneiv, njien-youh nyei baaux nzung, weic zuqc meih baengh fim nyei siemv maanc fingx, yaac dorh lungh ndiev nyei maanc guoqv. Selaa

5. O Tin-Hungh aah! Tov bun fingx-fingx mienh ceng meih. Tov bun maanc fingx ceng meih.

6. Ndau cuotv gaeng-zuangx. Tin-Hungh, se yie mbuo nyei Tin-Hungh, ceix fuqv bun yie mbuo.

7. Tin-Hungh ceix fuqv bun yie mbuo. Tov bun yiem jomc lungh ndiev nyei maanc mienh taaih ninh.