Singx Nzung - Đoạn 136

1. Meih mbuo oix zuqc dor-ziec Ziouv weic zuqc ninh longx haic.

2. Oix zuqc dor-ziec maanc zienh nyei Zienh,

3. Oix zuqc dor-ziec maanc ziouv nyei Ziouv,

4. Kungx ninh ganh zoux domh mbuoqc horngh nyei sic,

5. Ninh longc ninh ganh nyei wuonh zaang zeix lungh,

6. Ninh ceix ndau yiem wuom-minc gu'nguaaic,

7. Ninh zeix domh njang cuotv daaih,

8. Ninh zeix mba'hnoi gunv lungh hnoi zanc,

9. Ninh zeix hlaax caux hleix gunv lungh muonz zanc,

10. Ninh daix I^yipv Mienh nyei dorn-la'gauv,

11. Ninh dorh I^saa^laa^en Mienh yiem ninh mbuo mbu'ndongx cuotv daaih,

12. Ninh sung cuotv ninh domh qaqv nyei buoz,

13. Ninh bun nqoi Koiv-Siqv nyei wuom,

14. Ninh dorh I^saa^laa^en Mienh yangh koiv mbu'ndongx jiex

15. Ninh zorqv Faalo Hungh caux ninh nyei baeng-guanh mbienv njiec Koiv-Siqv.

16. Mv baac ninh yienz ganh nyei baeqc fingx jiex deic-bung-huaang,

17. Ninh daix domh hungh diex,

18. Ninh daix ziex dauh maaih mengh hoc nyei hungh,

19. Ninh daix Aa^mo^lai Mienh nyei Si^honx Hungh,

20. Ninh aengx daix Mbaasaan Deic nyei Okc Hungh,

21. Ninh zorqv ninh mbuo nyei deic-bung bun ninh nyei baeqc fingx nzipc,

22. Se jiu bun ninh nyei bou, I^saa^laa^en Mienh, nzipc nyei buonc,

23. Yie mbuo ndortv njiec zuqc kouv nyei ziangh hoc ninh jangx yie mbuo,

24. Ninh njoux yie mbuo biaux ndutv win-wangv,

25. Ninh ceix nyanc hopv bun maaih maengc nyei ga'naaiv,

26. Oix zuqc dor-ziec lungh zaangc nyei Tin-Hungh,