Singx Nzung - Đoạn 124

1. Se gorngv Ziouv maiv caux yie mbuo yiem naaiv bung hnangv haaix nor? I^saa^laa^en Mienh dau maah!

2. Se gorngv Ziouv maiv caux yie mbuo yiem naaiv bung, win-wangv daaih mborqv yie mbuo wuov zanc,

3. se ninh mbuo qiex jiez yie mbuo hnangv njopc douz nor, ninh mbuo haih zorqv yie mbuo liemh nangh nyei naqv nzengc.

4. Wuom yiemx oix torngx yie mbuo mingh, wuom-seix oix yiemx yie mbuo gu'nguaaic,

5. domh wuom beqv yaac oix guaatv yie mbuo mingh.

6. Ceng Ziouv weic zuqc ninh maiv bun yie mbuo zuqc win-wangv hoic hnangv zuqc hieh ga'naaiv nyei nyaah betv nor.

7. Yie mbuo hnangv norqc yiem zaeng norqc mienh nyei koux biaux ndutv. Koux dangx, yie mbuo biaux ndutv daaih.

8. Tengx yie mbuo wuov dauh se Ziouv, dongh Zeix Lungh Zeix Ndau Wuov Dauh.