Yopv - Đoạn 25

1. Quwaa Mienh, Mbin^ndatc, ziouc gorngv,

2. “Tin-Hungh maaih hlo jiex nyei lingc gunv. Maanc mienh oix zuqc taaih ninh. Ninh yiem ninh hlang nyei dorngx liepc baengh orn.

3. Maaih haaix dauh haih saauv duqv hingh ninh nyei tin-baeng? Ninh nyei njang cuotv daaih maaih haaix dauh ninh ziux maiv taux?

4. Wuov nyungc baamh mienh hnangv haaix nor haih yiem Tin-Hungh nyei nza'hmien zoux duqv horpc? Yiem m'sieqv dorn cuotv seix nyei mienh hnangv haaix nor haih cing-nzengc?

5. Ziux Tin-Hungh mangc, liemh hlaax maiv njang, hleix yaac maiv cing-nzengc.

6. Wuov nyungc, baamh mienh kungx hnangv gaeng-mau, mienh yaac hnangv naang-nzung, gauh fatv maiv cing-nzengc.”