1 Zunh Doic Douh - Đoạn 24

1. Naaiv se Aalon nyei zeiv-fun ziux ninh mbuo bun nqoi nyei jauv. Aalon nyei dorn maaih Naa^ndapc, Aa^mbi^hu, E^le^aa^saa caux I^taa^maa.

2. Mv baac Naa^ndapc caux Aa^mbi^hu daic ndaangc ninh mbuo nyei die, yaac maiv maaih fu'jueiv. E^le^aa^saa caux I^taa^maa ziouc zoux sai mienh nyei gong.

3. E^le^aa^saa nyei zeiv-fun, Saax^ndokc, caux I^taa^maa nyei zeiv-fun, Aa^hi^me^lekv, tengx Ndaawitv zorqv ninh mbuo juangc fingx nyei gorx-youz bun nqoi benx yietc guanh yietc guanh ziux paaiv ziangx oix zuqc fu-sux nyei gong.

4. Yiem E^le^aa^saa nyei zeiv-fun maaih bungh buonc nyei bieiv zeiv gauh camv yiem I^taa^maa nyei zeiv-fun. Ninh mbuo ziux naaic bun nqoi. E^le^aa^saa nyei zeiv-fun maaih ziepc luoqc dauh bieiv zeiv, I^taa^maa nyei zeiv-fun maaih hietc dauh.

5. Ninh mbuo ziouc dingc maengc mangc, bun nqoi gong fih hnangv nzengc weic zuqc E^le^aa^saa nyei zeiv-fun caux I^taa^maa nyei zeiv-fun maaih singx dinc nyei bieiv zeiv caux Tin-Hungh nyei bieiv zeiv.

6. Lewi Mienh, Ne^tan^en nyei dorn, Se^mai^aa sou-biuv, dorng jienv hungh diex caux jien fiev ninh mbuo nyei mbuox. Maaih Saax^ndokc sai mienh caux Aa^mbi^yaa^taa nyei dorn, Aa^hi^me^lekv, caux Lewi Mienh caux sai mienh nyei bungh buonc bieiv zeiv mangc jienv. Ninh mbuo tiuv jienv ginv dauh E^le^aa^saa wuov jauv nyei bieiv zeiv aengx ginv dauh I^taa^maa wuov jauv nyei bungh buonc bieiv zeiv.

7. Dingc maengc mangc ginv da'yietv dauh maaih Ye^ho^yaa^lipv,da'nyeic dauh, Ye^ndaa^yaa,

8. da'faam dauh, Haalim,da'feix dauh, Se^o^lim,

9. da'hmz dauh, Man^ki^yaa,da'luoqc dauh, Mi^yaa^min,

10. da'cietv dauh, Hakv^kotc,da'betv dauh, Aa^mbi^yaa,

11. da'juov dauh, Ye^su^aa,da'ziepc dauh, Se^kaa^ni^yaa,

12. ziepc yietv wuov dauh, E^li^yaa^sipv,ziepc nyeic wuov dauh, Yaakim,

13. ziepc faam wuov dauh, Hupc^baa,ziepc feix wuov dauh, Ye^se^mbe^apc,

14. ziepc hmz wuov dauh, Mbin^gaa,ziepc luoqc wuov dauh, Imme,

15. ziepc cietv wuov dauh, Hesi,ziepc betv wuov dauh, Hapc^bitc^setv,

16. ziepc juov wuov dauh, Be^taa^hi^yaa,nyic ziepc wuov dauh, Ye^he^se^ken,

17. nyic ziepc yietv wuov dauh, Yaakin,nyic ziepc nyeic wuov dauh, Gaamun,

18. nyic ziepc faam wuov dauh, Nde^lai^yaa,nyic ziepc feix wuov dauh, Maa^aa^si^yaa.

19. Naaiv deix mienh se ziux paaiv daaih nyei gong-buonc bieqc zaangc Ziouv nyei biauv fu-sux. Ninh mbuo ei ninh mbuo nyei ong-taaix, Aalon, liepc daaih nyei leiz, se ziux Ziouv, I^saa^laa^en Mienh nyei Tin-Hungh, hatc ninh nyei waac.

20. Naaiv se Lewi Mienh zengc njiec nyei zeiv-fun. Amlaam nyei zeiv-fun maaih Se^mbu^en, Se^mbu^en nyei zeiv-fun maaih Ye^nde^yaa.

21. Le^hapc^yaa nyei zeiv-fun da'yietv dauh, Itc^si^yaa.

22. Itc^haa Mienh nyei zeiv-fun maaih Se^lo^motv, Se^lo^motv nyei zeiv-fun maaih Yaa^haatc.

23. He^mbo^lon nyei zeiv-fun, maaih Ye^li^yaa zoux da'yietv, Aa^maa^li^yaa zoux da'nyeic, Yaa^haa^si^en zoux da'faam, Ye^kaa^me^am zoux da'feix.

24. Utc^si^en nyei zeiv-fun maaih Mikaa, Mikaa nyei zeiv-fun maaih Saami.

25. Mikaa nyei youz se Itc^si^yaa, Itc^si^yaa nyei zeiv-fun maaih Se^kaa^li^yaa.

26. Me^laa^li nyei dorn maaih Maali caux Musi. Yaa^aa^si^yaa nyei dorn maaih Mbeno.

27. Me^laa^li nyei zeiv-fun maaih Yaa^aa^si^yaa nyei zeiv-fun Mbeno, So^ham, Sakc^ge caux Ipc^li.

28. Maali nyei zeiv-fun maaih E^le^aa^saa. E^le^aa^saa maiv maaih dorn.

29. Maaih Kitv nyei dorn, Ye^laa^me^en.

30. Musi nyei zeiv-fun maaih Maali, E^nde caux Ye^li^motv. Naaiv se Lewi Mienh ziux ninh mbuo nyei bungh buonc.

31. Dorn-hlo caux dorn-faix nyei bungh buonc bieiv zeiv fih hnangv ninh mbuo nyei gorx-youz, Aalon nyei zeiv-fun, dorng jienv Ndaawitv Hungh, Saax^ndokc, Aa^hi^me^lekv caux Lewi Fingx nyei zuangx mienh caux sai mienh nyei bungh buonc bieiv zeiv dingc maengc mangc.