Phau Ntawv Nkauj - Đoạn 124

1. Yog thaum tus TSWV tsis tuaj peb tog lawm, peb yuav uas li cas? Cov Yixalayees, nej cia li teb kuv!

2. “Yog tus TSWV tsis tuaj peb tog, thaum peb cov yeebncuab tuaj tua peb,

3. lawv yuav cia li muab peb nqos ciaj, rau qhov lawv chim heev rau peb;

4. dej yuav cia li huam nphau nphwv tuaj nyab peb thiab kuav peb mus;

5. tej nthwv dej uas loj heev yuav cia li los kuav peb kom tuag tas.”

6. Peb cia li ua tus TSWV tsaug, nws yog tus uas tsis pub yeebncuab tuaj rhuav tshem kom peb raug kev puastsuaj.

7. Peb khiav dim ib yam li tus noog uas dim ntawm luag lub vojhlua; luag lub vojhlua tu nrho, peb thiaj dim plaws tau nyob ywj siab!

8. Tus TSWV uas tsim ntuj tsim teb yog tus pab peb.