Phau Ntawv Nkauj - Đoạn 100

1. Tag nrho lub ntiajteb, cia li tsa suab qw xyiv fab rau Yawmsaub.

2. Cia li zoo siab ua koom tu Yawmsaub. Cia li hu nkauj los rau ntawm nws xubntiag.

3. Cia li paub tias Yawmsaub yog Vajtswv, nws yog tus uas tsim peb, peb yog nws li, peb yog nws haiv neeg, thiab yog pab yaj hauv nws lub tshav zaub.

4. Cia li ua nws tsaug nkag nws lub rooj loog mus rau hauv, cia li hu nkauj qhuas nkag mus rau hauv nws tej tshav puam tuam tsev. Cia li ua nws tsaug, cia li qhuas nws lub npe.

5. Yawmsaub zoo kawg nkaus, nws txojkev hlub ruaj khov nyob mus ib txhis, thiab nws txojkev ncaj uas tso siab tau nyob mus rau txhua tiam.