Phau Ntawv Nkauj - Đoạn 95

1. Ca le lug, peb ca le hu nkauj qhuas Yawmsaub, peb ca le ua suab xyiv faab rua txhwb zeb kws cawm peb dim.

2. Peb ca le lug rua ntawm nwg lub xubndag ua nwg tsaug, peb ca le ua lub suab xyiv faab hu nkauj qhuas nwg.

3. Tsua qhov Yawmsaub yog tug Vaajtswv kws luj kawg, hab yog tug vaajntxwv kws luj tshaaj plawg tej timtswv huvsw.

4. Tej qhov kws tub kawg huv nplajteb nyob huv nwg xwb teg, tej roob kws sab kawg kuj yog nwg le.

5. Nruab deg kuj yog nwg le vem yog nwg tswm, nruab nqhuab yog nwg txhais teg puab.

6. Ca le lug, peb ca le pe hawm nwg, peb ca le txhus caug rua ntawm Yawmsaub kws tswm peb lub xubndag.

7. Nwg yog peb tug Vaajtswv, peb yog nwg cov pejxeem huv nwg lub tshaav zaub, hab yog nwg paab yaaj huv nwg txhais teg. Nub nua xaav kuas mej noog nwg lub suab.

8. Mej tsw xob ua lub sab tawv yaam le mej tej laug ua ntawm Melinpa, yaam le nub kws nyob ntawm Maxa huv tebchaws moj saab qhua.

9. Txawm yog mej tej laug tub pum kuv tej num lawm, los puab tseed swm kuv, hab tshuaj saib kuv.

10. Kuv ntxub tam tuabneeg hov tau plaub caug xyoo, hab has tas, “Puab yog cov tuabneeg kws lub sab pheej yuam kev, hab puab tsw quav ntsej kuv txujkev.”

11. Vem le hov kuv txhad cog lug twv chim quas nyov tas, “Puab yuav tsw tau nkaag moog rua huv lub chaw kws kuv pub puab su hlo le.”