Phau Ntawv Nkauj - Đoạn 82

1. Vaajtswv lug nyob tsawg huv plawv ib tsoom tubkhai ntuj, nwg nyob huv plawv tej timtswv txav txem

2. has tas, “Mej yuav tu plaub tsw ncaaj, hab tuaj tug tuabneeg limham tog ntev le caag?

3. Ca le tu plaub ncaaj rua cov kws tsw muaj zug hab cov kws tsw muaj txwv, hab tsaa cov txom nyem hab cov tu pluag txujcai.

4. Ca le cawm cov kws qaug zug hab cov txom nyem kuas dim, ca le paab puab dim huv cov tuabneeg limham txhais teg.

5. Puab tsw paub hab tsw nkaag sab, puab taug txujkev tsaus ntuj nti, tej taw tag lub nplajteb ua zug quas kais huvsw.

6. Kuv has tas, ‘Mej yog timtswv, mej puavleej yog tug kws Luj Dua Ndais le tub.’

7. Txawm le ntawd los mej yuav tuag yaam le tuabneeg, hab qaug ntawg yaam le ib tug thawj qaug.”

8. Au Vaajtswv, thov sawv tseeg txav txem rua lub nplajteb, tsua qhov ib tsoom tebchaws puavleej yog koj le.