Phau Ntawv Nkauj - Đoạn 67

1. Thov Vaajtswv hlub peb hab foom koob moov rua peb, hab ua nwg lub ntsej muag ci ntsaa ab tuaj rua peb,

2. sub taag nrho lub nplajteb txhad paub koj txujkev, hab ib tsoom tebchaws suavdawg paub koj txujkev cawm dim.

3. Au Vaajtswv, thov ca ib tsoom tuabneeg qhuas koj, ca txhua haiv tuabneeg qhuas koj.

4. Ca ib tsoom tebchaws zoo sab hab hu nkauj xyiv faab, vem koj txav txem ncaaj rua ib tsoom tuabneeg, hab coj ib tsoom tebchaws huv nplajteb.

5. Au Vaajtswv, thov ca ib tsoom tuabneeg qhuas koj, ca txhua haiv tuabneeg qhuas koj.

6. Lub nplajteb tau qoob loos lawm, hab Vaajtswv, peb tug Vaajtswv, foom koob moov rua peb.

7. Vaajtswv foom koob moov rua peb lawm, ca thoob plawg lub qaab ntuj kawg fwm hab paub ntshai nwg.