Phau Ntawv Nkauj - Đoạn 6

1. Au Yawmsaub, thaus koj chim thov koj tsw xob tshev kuv, thaus koj npau tawg tsw xob nplawm kuv.

2. Au Yawmsaub, thov hlub kuv tsua qhov kuv qaug zug zuj quas zug. Au Yawmsaub, thov khu kuv tsua qhov kuv tej pob txhaa tsaug tsaug poob quas nthaav,

3. hab kuv lub sab txhawj xeeb heev. Au Yawmsaub, koj tseed yuav tog ntev le caag?

4. Au Yawmsaub, thov koj tig lug cawm kuv txujsa. Vem yog koj txujkev hlub kws ruaj khov mas thov cawm kuv dim.

5. Thaus tuag lawd tsw muaj kev ncu txug koj lawm. Nyob huv tub tuag teb leejtwg yuav qhuas tau koj lawm?

6. Kuv quaj ntsuag txug sav heev lawm, kuv naj mo lug kua muag nyaab kuv lub txaaj pw, kuv quaj quaj ua rua kuv lub chaw pw ntub taag.

7. Vem yog kev lwj sab kuv qhov muag txhad plooj taag lawm, vem kuv cov tshawj chim huvsw kuv qhov muag txhad dig quas zug lawm.

8. Mej cov tuabneeg ua phem suavdawg, ca le ncaim kuv moog, tsua qhov Yawmsaub tub noog kuv lub suab quaj lawm.

9. Yawmsaub tub nov kuv lub suab taij thov, Yawmsaub txais kuv tej lug thov lawm.

10. Kuv cov yeeb ncuab suavdawg yuav tau txaaj muag hab yuav poob sab nthaav, puab yuav thim rov qaab hab tuab ntsais muag xwb yuav raug kev txaaj muag.