Phau Ntawv Nkauj - Đoạn 47

1. Ib tsoom tuabneeg 'e, ca le npuaj teg, qw hu nkauj zoo sab xyiv faab nrov nrov rua Vaajtswv.

2. Yawmsaub yog tug luj dua ndais, yog tug kws txaus ntshai, yog tug vaajntxwv luj kws kaav taag nrho lub nplajteb.

3. Nwg ua kuas tej tuabneeg lug nyob rua huv peb kev tswjfwm, hab ua kuas tej tebchaws nyob rua huv peb qaab xwb taw.

4. Nwg xaiv qub txeeg qub teg rua peb, yog yaam kws Yakhauj kws Vaajtswv hlub khaav quas ntxhas.

5. Vaajtswv nce moog muaj suab qw nrov, Yawmsaub nce moog muaj suab raaj kub yaaj.

6. Ca le hu nkauj qhuas Vaajtswv, ca le hu nkauj qhuas los maj. Ca le hu nkauj qhuas peb tug vaajntxwv, ca le hu nkauj qhuas los maj.

7. Tsua qhov Vaajtswv yog tug vaajntxwv kws kaav taag nrho lub nplajteb. Ca le hu nkauj zoo sab qhuas nwg.

8. Vaajtswv kaav hlo ib tsoom tebchaws, Vaajtswv nyob sau nwg lub zwm txwv kws dawb huv.

9. Tej thawj huv ib tsoom tuabneeg tuaj txoos ua ke ua Aplahaa tug Vaajtswv haiv tuabneeg. Tej daim phaj thaiv lub nplajteb yog Vaajtswv le. Nwg yog tug kws raug muab txhawb nqaa sab kawg nkaus.