Phau Ntawv Nkauj - Đoạn 142

1. Kuv tsaa ncauj thov Yawmsaub, kuv tsaa suab taij thov Yawmsaub paab.

2. Kuv quaj ywg kuv tej kev nyuaj sab rua ntawm nwg xubndag, kuv qha kuv tej kev txom nyem rua nwg.

3. Thaus kuv sab ntsws yaaj taag, koj paub kuv txujkev. Txujkev kws kuv yuav moog, luas cuab maab cuab hlua rua kuv.

4. Thov koj tsaa muag saib ntawm kuv saab xws vem tsw muaj leejtwg tsom kwm kuv le lawm. Kuv tsw muaj lub chaw cawm sav lawm, tsw muaj leejtwg mob sab kuv.

5. Au Yawmsaub, kuv tsaa ncauj thov koj, kuv has tas, “Koj yog kuv lub chaw cawm sav. Thaus kuv tseed caj sa nyob, koj yeej yog kuv tug.”

6. Thov koj noog kuv lub suab thov, vem kuv poob qeg kawg le. Thov cawm kuv dim ntawm cov kws tswm txom kuv, tsua qhov puab muaj zug heev dhau kuv.

7. Thov tso kuv tawm huv tsev lojfaaj sub kuv txhad le ua tsaug koj lub npe. Cov tuabneeg ncaaj nceeg yuav nyob vej vog kuv, vem yog koj ua zoo heev rua kuv.