Phau Ntawv Nkauj - Đoạn 137

1. Peb nyob tsawg ntawm tej ntug dej huv Npanpiloo, hab quaj ntsuag rua thaus peb ncu txug Xi‑oo.

2. Peb muab peb tej nkauj nog ncaas khuam rua sau tsob ntoo lwg zaaj kws nyob hov ntawd.

3. Mas qhov ntawd, cov kws nteg peb kuas peb hu nkauj, hab cov kws tswm txom peb kuas peb luag xyiv faab, puab has tas, “Ca le hu ib zaaj nkauj Xi‑oo rua peb noog.”

4. Peb yuav hu Yawmsaub tej nkauj tau le caag rua huv lwm tebchaws?

5. Yeluxalee 'e, yog kuv nov qaab koj, thov ca kuv txhais teg xws nov qaab tej kws kuv txawj.

6. Yog kuv tsw ncu txug koj, hab yog kuv tsw muab Yeluxalee ua luj dua kuv tej kev xyiv faab huvsw, thov ca kuv tug nplaig lu kuv lub qaab yag.

7. Au Yawmsaub, thov ncu tej kws cov Entoo ua rua nub kws Yeluxalee tawg. Puab has tas, “Ca le rhuav kuas puam tsuaj, ca le rhuav kuas puam tsuaj pob taag ti nkaus taw.”

8. Npanpiloo tug ntxhais 'e, koj yuav raug muab ua kuas puam tsuaj lauj! Tug kws ua pauj rua koj npaum le kws koj tau ua rua peb, yuav tau nyob kaaj sab lug.

9. Tug kws muab mej tej mivnyuas mog laim moog ntsawm pob zeb, yuav tau nyob kaaj sab lug.