Phau Ntawv Nkauj - Đoạn 136

1. Ca le ua Yawmsaub tsaug, tsua qhov nwg yog tug zoo kawg. Vem nwg txujkev hlub kws ruaj khov nyob moog ib txhws.

2. Ca le ua ib tsoom timtswv tug Vaajtswv tsaug. Vem nwg txujkev hlub kws ruaj khov nyob moog ib txhws.

3. Ca le ua cov kws muaj fwjchim tug Tswv tsaug. Vem nwg txujkev hlub kws ruaj khov nyob moog ib txhws.

4. Nwg tuab leeg ua tau tej txujci phemfwj. Vem nwg txujkev hlub kws ruaj khov nyob moog ib txhws.

5. Nwg muaj tswvyim tswm nruab ntug. Vem nwg txujkev hlub kws ruaj khov nyob moog ib txhws.

6. Nwg nthuav lub nplajteb rua sau nplaim dej. Vem nwg txujkev hlub kws ruaj khov nyob moog ib txhws.

7. Nwg tswm lub nub lub hli ci. Vem nwg txujkev hlub kws ruaj khov nyob moog ib txhws.

8. Nwg tswm lub nub kaav nruab nub. Vem nwg txujkev hlub kws ruaj khov nyob moog ib txhws.

9. Nwg tswm lub hli hab cov nub qub kaav mo ntuj. Vem nwg txujkev hlub kws ruaj khov nyob moog ib txhws.

10. Nwg tua cov Iyi tej tub hlub. Vem nwg txujkev hlub kws ruaj khov nyob moog ib txhws.

11. Nwg coj cov Yixayee tawm huv puab moog. Vem nwg txujkev hlub kws ruaj khov nyob moog ib txhws.

12. Yog nwg txhais teg kws muaj fwjchim hab nwg txhais npaab kws tsaa hlo. Vem nwg txujkev hlub kws ruaj khov nyob moog ib txhws.

13. Nwg muab dej Havtxwv Lab faib hlo. Vem nwg txujkev hlub kws ruaj khov nyob moog ib txhws.

14. Nwg coj cov Yixayee hlaa huv plhawv havtxwv moog. Vem nwg txujkev hlub kws ruaj khov nyob moog ib txhws.

15. Nwg muab Falau hab nwg cov tub rog xyeeb hlo rua huv Havtxwv Lab. Vem nwg txujkev hlub kws ruaj khov nyob moog ib txhws.

16. Nwg coj nwg haiv tuabneeg hlaa dhau tebchaws moj saab qhua. Vem nwg txujkev hlub kws ruaj khov nyob moog ib txhws.

17. Nwg ntaus yeej tej vaajntxwv kws muaj fwjchim. Vem nwg txujkev hlub kws ruaj khov nyob moog ib txhws.

18. Hab tua tau tej vaajntxwv kws muaj koob meej nto moo quas lug, Vem nwg txujkev hlub kws ruaj khov nyob moog ib txhws.

19. Yog cov Amaulai tug vaajntxwv Xihoo, Vem nwg txujkev hlub kws ruaj khov nyob moog ib txhws.

20. Hab Npasaa tug vaajntxwv Aus. Vem nwg txujkev hlub kws ruaj khov nyob moog ib txhws.

21. Nwg muab puab tej tebchaws ua qub txeeg qub teg, Vem nwg txujkev hlub kws ruaj khov nyob moog ib txhws.

22. Yog pub ua qub txeeg qub teg rua cov Yixayee kws yog nwg tub qhe. Vem nwg txujkev hlub kws ruaj khov nyob moog ib txhws.

23. Tub yog nwg ncu ntsoov txug peb rua thaus peb poob qeg txom nyem ntsuav. Vem nwg txujkev hlub kws ruaj khov nyob moog ib txhws.

24. Hab nwg cawm peb dim huv peb cov tshawj chim. Vem nwg txujkev hlub kws ruaj khov nyob moog ib txhws.

25. Nwg pub zaub pub mov rua txhua yaam kws caj sa tau noj. Vem nwg txujkev hlub kws ruaj khov nyob moog ib txhws.

26. Mej ca le ua Vaajtswv Ntuj tsaug. Vem nwg txujkev hlub kws ruaj khov nyob moog ib txhws.