Phau Ntawv Nkauj - Đoạn 13

1. Au Yawmsaub, tseed tshuav ntev le caag? Koj yuav nov qaab kuv moog ib txhws le lov? Koj yuav fee plhu ntawm kuv ntev le caag?

2. Kuv lub sab pheej yuav xaav txug tej nuav, hab yuav naj nub lwj sab moog ntev le caag? Kuv tug yeeb ncuab yuav kov yeej kuv moog ntev le caag?

3. Au kuv tug Vaajtswv Yawmsaub, thov koj tshuaj saib hab teb kuv lauj. Thov koj pub kuv lub qhov muag rov pum kev, ntshai tsaam kuv ca le tsaug zug rua huv txujkev tuag,

4. hab kuv tug yeeb ncuab yuav has tas, “Kuv kov yeej nwg lawm,” hab kuv cov tshawj chim yuav zoo sab xyiv faab vem kuv qaug quas zwg lawm.

5. Tassws kuv tso sab rua koj txujkev hlub kws ruaj khov, kuv lub sab xyiv faab qhov kws koj cawm kuv dim.

6. Kuv yuav hu nkauj qhuas Yawmsaub, vem yog nwg ua zoo kawg rua kuv.