Phau Ntawv Nkauj - Đoạn 126

1. Thaus Yawmsaub pub Xi‑oo rov vaam meej le qub, peb kuj zoo le tej tuabneeg ua npau suav.

2. Peb lub qhov ncauj luag puv npo, peb tug nplaig qw zoo sab xyiv faab, mas luas has rua huv ib tsoom tebchaws tas, “Yawmsaub ua tej num luj kawg rua puab.”

3. Yawmsaub tub ua num luj kawg rua peb lawm, peb txhad zoo sab xyiv faab.

4. Au Yawmsaub, thov pub peb rov vaam meej le qub, yaam le tej haav dej huv Neke.

5. Thov ca cov kws tseb noob lug kua muag, tau sau qoob qw zoo sab xyiv faab.

6. Tug kws nqaa noob tawm moog tseb nrug suab quaj, yuav tau sau nwg tej qoob lug tsev nrug suab qw xyiv faab.