Phau Ntawv Nkauj - Đoạn 121

1. Kuv tsaa muag saib sau tej roob. Txujkev paab kuv yuav tuaj hovtwg tuaj?

2. Txujkev paab kuv tuaj ntawm Yawmsaub tuaj, yog tug kws tswm ntuj tswm teb.

3. Nwg yuav tsw kheev koj txhais kwtaw nplaam, tug kws tsom kwm koj yuav tsw tsaug zug le.

4. Saib maj, tug kws tsom kwm cov Yixayee yuav tsw ncaws daab ndub lossws tsaug zug le.

5. Yawmsaub yog tug kws tsom kwm koj, Yawmsaub yog tug duab ntxoo ntawm koj saab teg xws.

6. Nruab nub lub nub yuav tsw ua phem rua koj, mo ntuj lub hli yuav tsw ua le caag rua koj.

7. Yawmsaub yuav tsom kwm koj ntawm txhua yaam kev phem, nwg yuav tsom kwm koj txujsa.

8. Yawmsaub yuav tsom kwm koj tawm moog hab koj rov lug txwj nwgnuav moog ib txhws tsw kawg.