Phau Ntawv Nkauj - Đoạn 12

1. Au Yawmsaub, thov koj paab, vem tsw tshuav cov tuabneeg kws fwm koj lawm, hab cov kws xwb rua koj pluj taag huv ib tsoom tuabneeg lawm

2. Txhua tug daag kwvtij zej zog, puab ncauj qaab rog nplaig qaab ntse hab muaj ob lub sab.

3. Thov Yawmsaub txav txhua tug lub qhov ncauj qaab rog, hab tug nplaig khaav theeb heev hov pov tseg,

4. yog cov kws has tas, “Peb tug nplaig yuav kov yeej xwb, peb lub qhov ncauj yog peb le. Leejtwg yuav kaav tau peb?”

5. Yawmsaub has tas, “Kuv yuav sawv tseeg taamswm nuav, tsua qhov tug pluag raug quab yuam hab tug txom nyem quaj ntsaaj quas lawg. Kuv yuav tso puab rua huv qhov chaw kws nyob tso sab plhuav kws puab ntshaw moog nyob.”

6. Yawmsaub tej lug cog tseg yog tej lug kws dawb huv, zoo le cov tseem nyaj kws muab hlawv huv cub thee kws nyob huv peg teb, yog cov tseem nyaj kws muab nchuav xyaa zag.

7. Au Yawmsaub, thov koj tsom kwm peb, thov tiv thaiv kuas peb dim cov tuabneeg tam nuav.

8. Cov tuabneeg phem ncig moog ncig lug ntawm peb txhua faab, rua thaus ib tsoom tuabneeg qhuas ntxhas kev phem kev qas.