Phau Ntawv Nkauj - Đoạn 114

1. Thaus cov Yixayee tawm huv Iyi tebchaws, yog Yakhauj caaj ceg kws tawm huv lwm haiv tuabneeg kws has lwm yaam lug,

2. Yuta txhad le ua lub chaw pe hawm Yawmsaub, hab Yixayee yog lub tebchaws kws Yawmsaub kaav.

3. Dej havtxwv pum mas ca le tswv, dej Yalatee ca le ndwg rov qaab.

4. Tej roob dha paaj pawg yaam le tej txwv yaaj, hab tej pov roob dha paaj pawg le mivnyuas yaaj.

5. Dej havtxwv 'e, ua caag koj ca le tswv? Dej Yalatee 'e, ua caag koj ca le ndwg rov qaab?

6. Tej roob 'e, ua caag mej dha paaj pawg yaam le tej txwv yaaj? Tej pov roob 'e, ua caag mej dha paaj pawg le mivnyuas yaaj?

7. Lub nplajteb 'e, ca le tshee nyo rua ntawm Yawmsaub lub xubndag, tshee rua ntawm Yakhauj tug Vaajtswv xubndag,

8. yog tug kws muab tej pob zeb ua paag dej, hab muab tej pob zeb tawv tawv ua dej txhawv.