Phau Ntawv Nkauj - Đoạn 113

1. Ca le qhuas Yawmsaub. Yawmsaub cov tub qhe 'e, ca le qhuas nwg, ca le qhuas Yawmsaub lub npe.

2. Ca le qhuas Yawmsaub lub npe txwj nwgnuav moog ib txhws tsw kawg.

3. Txwj ncua nub tuaj moog txug nub poob, tswm nyog qhuas Yawmsaub lub npe.

4. Yawmsaub nyob sab dhau ib tsoom tebchaws suavdawg, nwg tug fwjchim ci ntsaa quas ab sab dua lub ntuj.

5. Leejtwg zoo cuag le peb tug Vaajtswv Yawmsaub kws nyob lub zwm txwv sau ntuj?

6. Nwg nyob sau saib tuaj rua lub ntuj hab lub nplajteb.

7. Nwg tsaa cov tuabneeg pluag sawv huv cov moov aav lug, hab tsaa cov tuabneeg txom nyem sawv huv qhov tshauv lug,

8. pub puab tau nrug cov tuabneeg muaj meej nyob tsawg ua ke, yog cov kws ua thawj huv Yawmsaub haiv tuabneeg.

9. Nwg pub rua tug quaspuj kws ib txwm muaj tsw taug mivnyuas muaj vaaj muaj tsev, hab pub nwg muaj mivnyuas txhad zoo sab xyiv faab. Ca le qhuas Yawmsaub los maj.