Phau Ntawv Nkauj - Đoạn 101

1. Kuv yuav hu nkauj txug qhov kws kuv hlub koj hab qhov kws kuv txav txem ncaaj. Au Yawmsaub, kuv yuav hu nkauj rua koj.

2. Kuv yuav sau sab hlo ua kuv lub neej kuas tsw muaj chaw thuaj le. Thaus twg koj yuav lug cuag kuv? Kuv yuav ua lub sab dawb paug rua huv kuv lub tsev.

3. Kuv yuav tsw kheev ib yaam phem twg tshwm lug rua ntawm kuv lub qhov muag. Kuv ntxub cov tuabneeg faav xeeb tej num, puab tej num yuav tsw kis kuv hlo le.

4. Kuv yuav tsw ua sab nkhaus, kuv yuav tsw ntswg txug txujkev phem hlo le.

5. Tug kws pheej nyag xyaav kwvtij zej zog mas kuv yuav muab rhuav tshem. Tug kws muab hlub hab sab khaav theeb mas kuv tsw yuav hlo le.

6. Kuv yuav tsaa laaj muag saib cov kws sab xwb rua Vaajtswv huv lub tebchaws sub puab txhad nrug kuv nyob tau. Tug kws ua lub neej tsw muaj chaw thuaj txhad tau lug ua koom rua kuv.

7. Tug kws daag ntxag yuav tsw tau nyob huv kuv lub tsev. Tug kws rua ncauj has lug daag yuav tsw nyob ruaj ntawm kuv xubndag.

8. Txhua taagkig kuv yuav muab cov tuabneeg limham suavdawg huv lub tebchaws ua kuas puam tsuaj taag, hab txav cov tuabneeg ua phem suavdawg tawm ntawm Yawmsaub lub nroog.