Phau Ntawv Nkauj - Đoạn 100

1. Taag nrho lub nplajteb, ca le tsaa suab qw xyiv faab rua Yawmsaub.

2. Ca le zoo sab ua koom rua Yawmsaub. Ca le hu nkauj lug rua ntawm nwg xubndag.

3. Ca le paub tas Yawmsaub yog Vaajtswv, nwg yog tug kws tswm peb, peb yog nwg le, peb yog nwg haiv tuabneeg, hab yog paab yaaj huv nwg lub tshaav zaub.

4. Ca le ua nwg tsaug nkaag nwg lub rooj loog moog rua huv, ca le hu nkauj qhuas nkaag moog rua huv nwg tej tshaav puam tuam tsev. Ca le ua nwg tsaug, ca le qhuas nwg lub npe.

5. Yawmsaub zoo kawg nkaus, nwg txujkev hlub ruaj khov nyob moog ib txhws, hab nwg txujkev ncaaj kws tso sab tau nyob moog rua txhua tam.