Phau Ntawv Nkauj - Đoạn 1

1. Tug kws tau nyob kaaj sab lug, yog tug kws tsw taug txujkev kws cov tuabneeg limham qha, hab tsw nrug cov tuabneeg muaj txem sawv ua ke, hab tsw nrug cov tuabneeg kws nyam thuaj luas nyob tsawg ua ke.

2. Qhov kws ua rua nwg zoo sab yog Yawmsaub txuj kevcai, nwg tshawb nrhav Yawmsaub txuj kevcai nruab nub mo ntuj.

3. Nwg zoo yaam le tug ntoo kws cog rua ntawm ntug dej, txw txwv lawv caij lawv nyoog, cov nplooj tsw tuag tshaav tsw qhuav. Txhua yaam kws nwg ua nwg vaam meej.

4. Cov tuabneeg limham tsw thooj le ntawd, puab zoo yaam le tej npluag qoob kws cua ntsawj yaa moog.

5. Cov tuabneeg limham yuav nyob tsw tau rua thaus raug kev teem txem, cov tuabneeg muaj txem yuav tsw nrug cov tuabneeg ncaaj nceeg sawv ntsug ua ke.

6. Tsua qhov Yawmsaub saib ntsoov cov tuabneeg ncaaj nceeg txujkev, tassws cov tuabneeg limham txujkev yuav puam tsuaj.