Yaxayas - Đoạn 12

1. Nub ntawd koj yuav has tas, “Au Yawmsaub, kuv ua koj tsaug txawm yog koj chim rua kuv los koj kuj thim txujkev chim lawm hab nplig kuv lub sab.

2. Vaajtswv yog txujkev cawm kuv dim, kuv yuav tso sab hab tsw ntshai daabtsw, vem Vaajtswv Yawmsaub yog kuv tug zug hab kuv zaaj nkauj, hab nwg kuj yog txujkev cawm kuv dim.

3. Koj yuav zoo sab xyiv faab ntaus dej ntawm lub qhov dej kws cawm txujsa.”

4. Nub ntawd koj yuav has tas, “Ca le ua Yawmsaub tsaug, ca le thov hu nwg lub npe, ca le pav nwg tej num rua huv ib tsoom tebchaws, pav kuas paub tas nwg lub npe luj tshaaj plawg.

5. Ca le hu nkauj qhuas Yawmsaub tsua qhov nwg tau ua tej num tseem ceeb kawg, qha zaaj nuav kuas paub thoob plawg huv nplajteb.

6. Cov tuabneeg Xi‑oo 'e, ca le qw hu nkauj zoo sab xyiv faab vem cov Yixayee tug Tswv kws Dawb Huv luj tshaaj plawg nyob huv plawv mej.”