Pajlug - Đoạn 15

1. Lu lug teb mog muas paab kuas kev npau tawg pluj taag, tassws lu lug nruj lug tswv zwg kuas chim.

2. Tug muaj tswvyim tug nplaig nthuav kev txawj ntse tuaj, tassws tug ruag lub qhov ncauj nchuav kev ruag tawm lug.

3. Yawmsaub lub qhov muag saib ntsoov txhua qhov, hab zuv rawv cov tuabneeg phem hab cov tuabneeg zoo.

4. Tug nplaig kws has lug zoo kuj yog tsob ntoo kws pub txujsa, tassws tug nplaig ntxeev ntxag ua rua lub sab lwj taag.

5. Tug kws ruag saib tsw taug leej txwv tej lug qhuab qha, tassws tug kws noog tej lug qhuab ntuag yog tug paub taab.

6. Tug ncaaj nceeg lub tsev muaj nyaj txag ntau, tassws cov tuabneeg limham tej nyaj txag coj kev ceblaaj lug.

7. Cov muaj tswvyim daim tawv ncauj nthuav kev txawj ntse, tassws cov ruag lub sab tsw ua le ntawd.

8. Tej kws cov tuabneeg limham muab xyeem mas Yawmsaub ntxub kawg le, tassws nwg zoo sab rua cov ncaaj nceeg tej lug thov.

9. Cov tuabneeg limham txujkev mas Yawmsaub ntxub kawg le, tassws nwg hlub tug kws ua lawv le txujkev ncaaj nceeg.

10. Tug kws tso txujkev zoo tseg yuav raug nplawm qhuab qha nyaav, tug kws ntxub tej lug qhuab ntuag yuav tuag.

11. Tub tuag teb hab qhov puam tsuaj, nthuav hlo tsua Yawmsaub pum, yog le nuav nwg yimfuab pum huv tuabneeg lub sab hab.

12. Tug kws muab hlub tsw nyam luas qhuab ntuag, nwg tsw moog nrhav tug muaj tswvyim.

13. Lub sab zoo mas ua rua lub ntsej muag luag, tassws kev tu sab ua rua tug ntsuj plig yaaj taag.

14. Tug kws paub qaabhau lub sab nrhav kev txawj ntse, tassws tug ruag lub qhov ncauj noj txujkev ruag.

15. Cov tuabneeg kws raug kev txom nyem lub naj xyoo puavleej phem, tassws cov kws lub sab xyiv faab muaj kev paam noj paam haus tsw tu le.

16. Muaj nyaj txag tsawg los fwm hab paub ntshai Yawmsaub, kuj zoo dua le kws muaj tej nam txhaab nyaj los tseed muaj kev ceblaaj nrug nraim.

17. Noj zaub tsuag nyob sws hlub zoo dua noj nyuj rog nyob sws ntxub.

18. Tug kws lub sab kub tshaum kuas muaj lug sws caav sws tshe, tassws tug kws tsw chim sai tswj tau kev sws caav sws tshev kuas tug.

19. Tug tuabneeg cis nkeeg txujkev mas muaj xuav paug tuaj puv nkaus, tassws tug ncaaj nceeg txujkev yog txuj nam kev taj.

20. Tug tub kws muaj tswvyim ua rua leej txwv zoo sab, tassws tug kws ruag saib tsw taug leej nam.

21. Txujkev ruag ua rua tug kws tsw thoob tswb zoo sab xyiv faab, tassws tug kws paub qaabhau kuj taug txujkev ncaaj.

22. Yog tsw muaj chaw sablaaj daag num yuav nplaam, tassws yog muaj ntau leej taw qha mas daag num tav.

23. Yog teb tau raug mas ua rua yug zoo sab, hab ib lu lug kws has raug qhov cheem tsum mas zoo tshaaj plawg le.

24. Tug muaj tswvyim txujkev coj nce moog txug txujsa, puab txhad tsw poob rua huv tub tuag teb.

25. Yawmsaub rhuav tshem tug tuabneeg khaav theeb lub tsev, tassws nwg tsom kwm tug puj ntsuag le nrwm teb.

26. Tej kws cov tuabneeg limham xaav mas Yawmsaub ntxub kawg le, tassws cov tuabneeg dawb huv tej lug txaus nwg lub sab.

27. Tug kws nrhav nyaj txag ntawm tej kev tsw ncaaj kuj ua rua nwg tsev tuabneeg raug kev ceblaaj, tassws tug kws ntxub tej nyaj xab yuav tau txujsa.

28. Tug ncaaj nceeg lub sab xaav saib yuav teb le caag, tassws tug tuabneeg limham lub qhov ncauj nchuav nthwv kev phem tawm lug.

29. Yawmsaub nyob deb ntawm cov tuabneeg limham, tassws nwg nov cov ncaaj nceeg tej lug thov.

30. Ntsej muag luag ntxhw ua rua yug zoo sab, tej xuv zoo ua rua tej txhaa swb quas laag.

31. Tug kws lub qhov ntsej noog tej lug qhuab qha zoo yuav nrug nraim cov kws muaj tswvyim nyob ua ke.

32. Tug kws tsw quav ntsej tej lug qhuab qha kuj yog nwg rov saib tsw taug nwg, tassws tug kws noog tej lug qhuab ntuag kuj tau kev txawj ntse.

33. Qhov kws fwm hab paub ntshai Yawmsaub yog qhov kawm paub tswvyim, xub txu fwjchim le maav tau koob meej.