Nau Mprơ Ơm - Đoạn 87

1. Ntur păng n'gân gŭ tâm yôk kloh ueh,

2. Yêhôva rŏng ma mpông pêr Siôn âk lơn ma lĕ rngôch ntŭk Yakôb.

3. Bu ngơi nau chrêk rmah ma may, Ơ ƀon Brah Ndu. (Sêla)

4. Gâp mra mbơh bri Êjipt jêh ri Babylôn ndrel ma phung gĭt năl gâp; Aơ bri Philistin, ƀon Tir đah bri Êthiôpi; tâm Siôn bu deh jêh ma khân păng.

5. Nanê̆ ma Siôn bu mra lah, phung aơ nđâp phung nây bu deh jêh ta nây; jêh ri Nơm Kalơ Lơn yơh mra ƀư nâp păng.

6. Tơlah Yêhôva mra chih phung ƀon lan, Păng mra kơp ma phung aơ bu deh ta nây. (Sêla)

7. Phung mprơ jêh ri phung kadŏ mra lah, Lĕ rngôch nau gâp geh bôk tâm may.