Nau Mprơ Ơm - Đoạn 65

1. Ơ Brah Ndu, bu kâp ta ƀon Siôn gay ma tâm rnê ma may. Jêh ri bu mra ăn nanê̆ nau păng ton jêh ma may

2. Ơ nơm gŭ iăt nau mbơh sơm Lĕ rngôch nglay săk mra tât ta may.

3. Nau djơh mhĭk dơi lơn ma gâp may mra yô̆ an nau hên rlau nau vay.

4. Ueh maak ngăn nơm may săch, jêh ri ăn păng hăn ta may Gay ăn păng gŭ tâm nkual ngih may. Hên mra hơm ma nau ueh tă bơh ngih may. Ngih brah kloh ueh may.

5. Ơ Brah Ndu ma nau tâm rklaih hên, lo plơ̆ lah ma hên ma nau song srăng. May jêng nau rnơm ma lĕ rngôch dut neh ntu, Nđâp ma phung gŭ ngai tâm dak rlai

6. Brah Ndu dong, nau dơi păng rdâk ăn nâp lĕ yôk. Păng rêt păng nơm ma rse but nau brah

7. păng buay lĕ sial katang tâm dak rlai Mpiăt dak khuh ƀư nteh. Nau kon bunuyh ƀư uh ah.

8. Phung gŭ ta ntuk dut bri, neh geh nau klach ma nau tâm mbên may, may ăn mông ƀhĭt rvi ang, jêh ri mông nar nhâp geh nau răm maak.

9. may văch khâl neh ntu, jêh ri djrah păng be may ăn păng jêng ndrong. N'hor dak Brah Ndu geh âk dak Jêh Brah Ndu rhăk njêng neh ntu, may ăn ba ma khân păng

10. may djrah dak ta kau kai, may châm ăn rai glo neh may djrah ăn rdơ̆ neh ma dak mih may ăn ndơ ueh hon ta kalơ neh

11. may ƀư lôch dut năm ma nau ueh may Nhuat may nkhut mbêng rmeh ler.

12. Khân păng nkhut jêh ta gơ̆ nse tâm bri rdah Jêh ri rlung nkum ma ba. Khân păng nter maak, khân păng mprơ tâm ban lĕ.