Nau Mprơ Ơm - Đoạn 57

1. Yô̆ an ma gâp ơ Brah Ndu, yô̆ an ma gâp. Yorlah huêng gâp krap tâm may Nanê̆, gâp gŭ krap tâm dâng năr may Ăn tât nar nau mhĭk rlau lôch.

2. Gâp mra kuăl vơh vơl ma Brah Ndu nơm kalơ lơn Brah Ndu nơm ho ƀư jêh lĕ rngôch nau dơi jêng da dê

3. Păng mra njuăl ma gâp nau tâm rklaih tă bơh trôk, tơ lah geh nơm uch rvăn gâp, mâu lah soai rak gâp. Brah Ndu mra njuăl nau ueh Păng jêh ri nau nanê̆ Păng

4. Huêng gâp gŭ tâm nklang phung yau mur Gâp gŭ bêch tâm nklang phung hok mpiăt unh Ta nklang bunuyh geh sêk tâm ban ma tak jêh ri hăr Jêh ri mpiăt khân păng jêng tâm ban ma du mlâm đao gưm hơr ngăn.

5. Ơ Brah Ndu ăn may geh nau n'hao prêh lơn kalơ trôk Ăn nau chrêk rmah may gŭ ta kalơ lĕ neh ntu.

6. Khân păng kuyh ntu jru ta năp gâp. Huêng gâp klach jêh ri prah, khân păng kuih ntu jru ta năp gâp. Khân păng nơm tup jêh tâm ntu nây (Sêla)

7. Ơ Brah Ndu, nuih n'hâm gâp nâp rjăp jêh, nuih n'hâm gâp nâp rjăp jêh. gâp mra mprơ, di ngăn, gâp mra mprơ ma nau tâm rnê

8. Ơ, nau chrêk rmah gâp, kah rngăl hom, Kah rngăl hom may ơ nung adjơl jêh ri bro Gâp nơm mra kah rngăl ơm lĕ.

9. Ơ Kôranh Brah, gâp mra tâm rnê ma may tâm phung ƀon lan Mprơ tâm rnê ma Brah Ndu tâm lĕ n'gor bri

10. Yorlah nau ueh may hao tât ta kalơ trôk Jêh ri nau nanê̆ may hao tât tâm ndâr tŭk.

11. Ơ Brah Ndu ăn may geh nau n'hao prêh lơn ma trôk. Ăn nau chrêk rmah may gŭ ta kalơ lĕ neh ntu.