Nau Mprơ Ơm - Đoạn 56

1. Ơ Brah Ndu, yô̆ an ma gâp, Yorlah phung bunuyh uch rvăn gâp; Ăp nar ƀư jêr ma gâp, jêh ri uch tâm lơh đah gâp.

2. Ăp nar phung rlăng đah gâp uch rvăn gâp. Yorlah phung uch tâm lơh đah gâp, âk sưr rlau

3. Tơlah gâp klach, gâp mra rnơm ma may

4. Tâm Brah ndu gâp mra tâm rnê ma nau păng ngơi Tâm Brah Ndu gâp geh nau rnơm jêh ri mâu hôm geh nau klach ôh Bunuyh tâm nglay săk, moh nau păng dơi ƀư ma gâp

5. Ăp nar khân păng mâu tâm di ma nau gâp ngơi Lĕ nau mĭn khân păng, uch ƀư mhĭk ma gâp dadê

6. Khân păng tâm rƀun, khân păng yô nchron, khân păng sek joi têl gâp. Yorlah khân păng uch ƀư mhĭk huêng nau rêh gâp

7. Dơi lĕ, nau mhĭk dơi tâm rklaih khân păng? Ơ Brah Ndu, ăn hao nuih n'glưh lơi lĕ rngôch ƀon lan

8. may kơp nhuat gâp chuat sĭt chuat hăn Dơ dak măt gâp tâm kachok may. Mâm ƀư dak măt gâp, mâu geh chih tâm ndrom samƀut may he?

9. Tâm nar gâp nter, phung rlăng đah gâp mra ruch du Gâp gĭt Brah Ndu koh dong gâp

10. Tâm Brah Ndu, gâp mra tâm rnê ma nau Păng ngơi Tâm Yêhôva gâp mra tâm rnê ma nau Păng ngơi

11. Tâm Brah Ndu, gâp mra geh nau rnơm jêh ri mâu hôm geh nau klach ôh. Mâm kon bunuyh dơi ƀư ma gâp?

12. Ơ Brah Ndu, lĕ nau gâp ton jêh đah may jêng nanê̆ ngăn Gâp mra nhhơr mpa ƀư brah ma nau rong ma may

13. Yorlah may tâm rklaih jêh huêng gâp tă bơh nau khĭt Mâu di he, may kuăn rdâng an jâng gâp klach tup. Gay ma gâp hăn ta năp măt Brah Ndu, tâm nau ang ma nau rêh.