Nau Mprơ Ơm - Đoạn 37

1. Lơi ta rung may nơm yor phung ƀai ôh Mâu dơi kơnh lĕ phung ƀư nau kue

2. Yorlah bu mra rek khân păng gơnh nâm bu gơ̆. Jêh ri khân păng mra klêu tâm ban ma gơ̆ ndrêh.

3. nơm hom ma Brah Ndu jêh ri ƀư nau ueh. Pôri mbu mra ăn may gŭ tâm n'gor Păng jêh ri mbu mra siăm may ma nau nanê̆ Păng.

4. Maak hom may nơm tâm Yêhôva, jêh ri Păng mra ăn ma may nau nuih n'hâm may uch.

5. Jao trong may ma Yêhôva. Rnơm ma Păng, jêh ri Păng mra ăn jêh nau nây

6. Păng mra tâm mpơl nau song may tâm ban ma nau ang. Jêh ri nau di may tâm ban ma nar nklang bôk

7. Gŭ rklăk ta năp Yêhôva, jêh ri kâp gân ma Păng. Lơi ăn rung may nơm yor du huê bunuyh dơi tâm trong Păng. Yor bunuyh dơi ƀư lĕ nau Păng uch ƀư mhĭk

8. Dun nau ji nuih, chalơi nau khek Lơi ƀư rung may nơm ôh, nau nây mra njun leo may ma nau mhĭk.

9. Yorlah phung ƀai bu mra koh lơi, Ƀiă lah phung kâp gân ma Yêhôva mra krâm neh ntu

10. Hôm bât lât phung ƀai mra rai yot may mra uănh ntuk Păng, nanê̆ mâu hôm ôh.

11. Ƀiă lah phung oh mon mra krâm neh ntu jêh ri mra gŭ hâk răm nau đăp mpăn bêng ler.

12. Nơm rlăng tâm nchră ƀư mhĭk ma nơm song srăng. Jêh rket sêk uch ƀư ma ôbăl.

13. Brah Ndu mra mưch rmot Păng Yorlah saơ nar tâm rmal Păng dăch tât

14. Phung ƀai tok đao jêh ri van ma khân păng. Gay ma ăn prah nơm rêh ni jêh ri nơm o-ach. Gay ma nkhĭt phung hăn tâm trong song

15. Đao khân păng mra ntâp nuih n'hâm khân păng nơm. Jêh ri na khân păng mra deh

16. Nơm song geh djê̆ ndơ jêng ueh lơn ma rmeh rmai phung ƀai geh.

17. Yorlah ti nơm mhĭk mra deh Ƀiă lah Yêhôva yơk rdâng an phung song.

18. Yêhôva gĭt nar phung rah vah jêh ri drăp khân păng krâm mra gŭ n'ho ro.

19. Bu mâu mra ƀư bêk khân păng ôh dôl nau rêh ni; Tâm nar sa-sât ji-ngot khân păng mra hơm.

20. Ƀiă lah phung ƀai mra rai yot Phung rlăng Yêhôva mra jêng tâm ban ma ngi kon biăp. Khân păng mra rai lêk roh hêt nâm bu mbrui unh nhhuk.

21. Nơm ƀai chan jêh ri Păng mâu mplơ̆ sĭt ôh. Ƀiă lah nơm song blau yô̆ jêh ri Păng ăn

22. Phung Brah Ndu ăn nau ueh uĭn mra krâm neh ntu. Ƀiă lah phung Păng rtăp bu mra nkhĭt lơi

23. Yêhôva ăn nâp nhuat du huê bunuyh Jêh ri ôbâl gŭ maak tâm trong Păng

24. Nđâp tơ lah Păng prah, Păng mâu mra rai lôch ôh. Yorlah Yêhôva chông an ma ti Păng.

25. Gâp ho jêng jêh ndăm, aƀaơ gâp ho ranh jêh; Ƀiă lah gâp mâu mâp saơ ôh bu chalơi nơm song. Mâu mâp saơ lĕ phung kon sau khân păng nsong ƀư dan, dăn ndơ sông sa bu.

26. Ăp năr Păng blau yô̆ jêh ri ăn bu chan; Jêh ri phung kon sau Păng geh nau ueh uĭn

27. Der nau mhĭk, jêh ri ƀư nau ueh Pôri mra gŭ n'ho ro.

28. Yorlah Yêhôva rong ma nau song Mâu chalơi ôh-phung kloh ueh Păng Chiă uănh khân păng ƀaƀơ. Ƀiălah kon sau phung ƀai bu mra nkhĭt lơi

29. Phung song mra dơn neh ntu, jêh ri khân păng mra gŭ ta nây ƀaƀơ.

30. Trôm mbung bunuyh song ngơi nau blau mĭn Jêh ri mpiăt păng nkoch nau song.

31. Nau vay Brah Ndu păng, gŭ tâm nuih n'hâm păng. Jâng păng mâu prah ôh

32. Nơm ƀai rmơch nơm song Joi gay ma nkhĭt ôbăl.

33. Brah Yêhôva mâu mra chalơi khân păng tâm ti phung ƀai Tâm nar phat dôih Păng mâu mra tâm rmal lĕ.

34. Kâp gân hom ma Yêhôva tĭng trong Păng Jêh ri Păng mra n'hao may ăn dơn krâm neh ntu. may mra saơ tơ lah bu koh lơi phung ƀai

35. Gâp mâp saơ jêh phung ƀai geh nau katang toyh păng, jêng toyh tâm ban ma tơm si kuê̆ ndrêh.

36. Ƀiălah păng rgăn, jêh ri aơ, mâu hôm saơ păng ôh. Gâp joi păng, ƀiălah mâu mâp.

37. Sek uănh hom ma bunuyh rah vah, jêh ri uănh ma bunuyh song, Yorlah dăch ma lôch mra tât ma bunuyh đăp mpăn.

38. Ƀiălah phung rlau nau vay, mra dơn nau rai yot ndrel. Bu mra koh lơi phung ƀai tâm nar dăch lôch

39. Ƀiălah nau tâm rklaih phung song luh tă bơh Yêhôva Kôranh Brah jêng pôih n'gang khân păng tâm nau rêh ni.

40. Yêhôva koh dong jêh ri kơl rklaih khân păng Kôranh Brah rklaih khân păng bơh ti phung ƀai, jêh ri ăn khân păng jêng kon me Yorlah khân păng krap mbe tâm Kôranh Brah.