Nau Mprơ Ơm - Đoạn 36

1. Nau phung ƀai rlau nau vay lah tâm nuih n'hâm gâp. Mâu geh nau klach yơk mbah ma Brah Ndu ta năp măt păng.

2. Yorlah păng n'hi rnê êng păng nơm Gay ma bu mâu saơ ôh nau kue păng jêh ri tâm rmot ma păng.

3. Nau ngơi tă bơh mbung păng jêng kue jêh ri ndơm. Păng chalơi jêh ƀư nau blau mĭn, jêh ri nau ueh.

4. Ăng mĭn nau mhĭk tă bơh kalơ sưng păng Păng gŭ tâm trong mâu ueh. Păng mâu tâm rmot ma nau tih ôh

5. Ơ Yêhôva, nau ueh may gŭ tâm trôk Jêh ri nau nanê̆ may hao tât tâm ndâr tuk.

6. Nau song srăng may jêng tâm ban ma phung yôk Brah Ndu Nau may phat dôih jêng tâm ban ma ntu toyh jru. Ơ Yêhôva, may prăp phung bunuyh jêh ri mpô mpa

7. Ơ Brah Ndu, nau ueh may khlay ngăn ngên Phung kon bunuyh gŭ krap tâm dâng n'hâm năr may

8. Khân păng mra hơm ma nau rmeh rmai tâm ngih may. Jêh ri may ăn khân păng nhêt dak krong ueh maak may.

9. Yorlah tâm may jêng tơm nau rêh Ma nau ang may hên mra saơ nau ang.

10. Ăn nau ueh may gŭ jo ta phung gĭt năl may Jêh ri nau song srăng may ta phung geh nuih n'hâm song

11. Lơi ăn jâng phung sưr rlau jot gâp. Jêh ri lơi ăn ti phung ƀai nsot gâp du.

12. Ta nây phung ƀư nau kue tup jêh. Bu nklơ̆ lơi khân păng jêh ri khân păng mâu hôm dơi dâk ôh.