Nau Mprơ Ơm - Đoạn 35

1. Ơ Yêhôva dăn may tâm rdâng đah phung vay tâm rdâng đah gâp. Ăn may tâm lơh đah phung vay tâm lơh đah gâp

2. Dăn may djôt khêl jê̆ jêh ri toyh. Jêh ri dâk hom may kơl koh dong gâp

3. Kâp rjăng ma tak may, king trong phung tĭng gâp lah ma huêng gâp, gâp jêng nau may tâm rklaih

4. Ăn phung tĭng huêng gâp geh nau bêk prêng Ăn khân păng plơ̆ jêh ri tâm rluk nau mĭn phung uch ƀư ƀai ma gâp.

5. Ăn khân păng jêng nâm bu lâk sial đô̆ Jêh ri ăn tông mpăr ueh Yêhôva mprơh lơi khân păng.

6. Ăn trong khân păng jêng ngo jêh ri mbĭr Jêh ri ăn phung ntông păr ueh Yêhôva tĭng khân păng

7. Mâu geh nô nau ôh khân păng gŭ ta bâr ntu jru Mâu geh nô nau ôh khân păng kuyh ntu gay ma nklăch huêng gâp

8. Ăn nau ƀư rai tât ma khân păng dôl khân păng mâu mĭn: Ăn khân păng geh văk nhuăl khân păng nơm sân Ăn păng tup tâm ne jêh ri mra rai yot.

9. Pô ri huêng gâp mra răm maak tâm Yêhôva Răm maak ngăn nau păng tâm rklaih, Ơ Yêhôva

10. Lĕ nting nđăng gâp mra lah mbu nâm jêng tâm ban ma may? Nau mra rklaih ma phung rêh ni bơh phung ktang lơn ma păng. Nơm rêh ni jêh ri nơm o-ach bơh nơm sok pit ndơ khân păng

11. Phung mbơh nau nchơt dâk: Khân păng tâm rmot ma nau gâp mâu gĭt

12. Khân păng sok nau iơh ntrok nau ueh gâp hŏ ƀư jêh, Nchalơi huêng gâp gŭ êng

13. Ƀiă lah gâp, tơ lah khân păng ji kuet gâp soh ao dung. Gâp rngot huêng gâp ma nau ver sông sa Jêh ri nau gâp mbơh sơm plơ̆ sĭt ta ntang ntơh gâp.

14. Gâp ƀư tâm ban ma khân păng jêng mit jiăng gâp mâu lah oh nâu gâp. Gâp jâk ma nau rngot ndrê tâm ban ma bu nhĭm klâng me păng.

15. Biălah, tơlah gâp prah, khân păng răm rhơn jêh ri tâm rbun. Phung nchơt tâm rƀun uch ƀư ma gâp, ƀiă lah gâp mâu gĭt ôh. Khân păng sa hêk gâp, mâu geh rlu ôh.

16. Ndrel ma phung mâu chroh, phung vay mưch, Khân păng rket sêk uch ƀư ma gâp

17. Ơ Kôranh Brah, dum jo may mra uănh nau nây? King an huêng gâp ma nau ƀai khân păng. Sok lơi huêng gâp bơh yau mur.

18. Pô ri gâp mra tâm rnê ma may tâm mông rbun toyh. Gâp mra tâm rnê ma may tâm nklang phung ƀon lan âk.

19. Lơi ăn phung rlăng đah gâp mâu geh nô nau gŭ maak yor gâp, mâu ăn lĕ phung rmot ma gâp mâu geh nô nau ntơ̆ măt mưch ma gâp.

20. Yorlah khân păng mâu ngơi ôh nau đăp mpăn Ƀiă lah khân păng tâm nchră nau ndơm gay ƀư ma phung gŭ đăp mpăn tâm păng.

21. N'hêl nanê̆ khân păng hă mbung gay ƀư mhĭk ma gâp. Khân păng lah. Ơ, ơ măt he ho saơ jêh nau nây.

22. Ơ Yêhôva, may ho saơ tâm ban lĕ, lơi ta gŭ rklăk ôh. Ơ Kôranh Brah, lơi ta gŭ ngai đah gâp ôh.

23. Kah rngăl hom, dâk hom, gay ma mplơ̆ nau song ma gâp, Ơ Brah Ndu gâp, Kôranh Brah gâp, n'gang nau gâp.

24. Phat an dôih gâp tĭng nâm nau song may, Ơ Yêhôva Brah Ndu gâp. Jêh ri lơi ăn khân păng răm yor ma gâp ôh

25. Lơi ăn khân păng lah tâm nuih n'hâm, Ơ, pô aơ nau he uch Lơi ăn khân păng lah, he rvăn jêh păng

26. Ƀư ăn phung uch ma nau song gâp dơi nter kuăl maak jêh ri gŭ maak. Ăn phung n'hao khân păng nơm ƀư ma gâp mra bêk ngăn.

27. Ăn phung uch ma nau song gâp dơi nter kuăl maak jêh ri gŭ maak. Nanê̆ ăn khân păng lah ƀaƀơ Chrêk rmah ma Yêhôva Nơm uch nau ueh ma tông mpăr Păng.

28. Jêh ri mpiăt gâp mra ngơi ma nau song may Ma nau tâm rnê ma may lĕ nar.