Nau Mprơ Ơm - Đoạn 34

1. Gâp mra tâm rnê ma Yêhôva mro mrăng Nau tâm rnê ma Păng gŭ tâm bâr mbung gâp ƀaƀơ.

2. Huêng gâp mra tâm rnê êng păng nơm tâm Yêhôva Phung tông bâr mra iăt nau nây jêh ri maak

3. Ơ tâm rnê ma Yêhôva ndrel ma gâp. Ăn lĕ rngôch phung he ndrel n'grup tâm rnê ma amoh Păng.

4. Gâp joi jêh Yêhôva, jêh ri Păng ho plơ lah jêh ma gâp. Păng ho tâm rklaih jêh gâp bơh lĕ nau gâp klach

5. Khân păng uănh n'gơr ma Kôranh Brah, muh măt khân păng mra sol ang. Jêh ri muh măt khân păng mâu mra prêng ôh.

6. Du huê nơm rêh ni aơ nter Yêhôva tăng Jêh ri sâm rklaih an păng bơh lĕ rngôch nau rêh ni.

7. Tông mpăr ueh Yêhôva gŭ jum phung klach yơk mbah ma Păng jêh ri tâm rklaih khân păng.

8. Lep jêh ri saơ Yêhôva jêng ueh Ueh maak ngăn mbu nâm gŭ krap tâm Păng

9. Ơ Phung kloh ueh Yêhôva, klach yơk mbah hom ma Păng. Yorlah bu nâm klach yơk mbah ma Păng mâu mra pưt ôh.

10. Phung kon yau mur gĭt nau ât, jêh ri nau ji ngot Ƀiă lah phung joi Yêhôva, mâu mra pưt du ntil nau ueh ôh.

11. Văch hom, ơ phung kon gâp, văch iăt hom nau gâp gâp mra nti phung kon gâp, nau blau klach mbah yơk ma Yêhôva.

12. Mbu nâm rong ma nau rêh, Kâp gân gŭ rêh jo năm, gay ma dơi saơ nau ueh maak

13. Njrăng mpiăt may, lơi ngơi iơh, Jêh ri mbung may lơi ngơi nau ndơm.

14. Du hom may đah nau iơh jêh ri ƀư nau ueh. Tĭng joi jêh ri tĭng nau đăp mpăn.

15. Măt Yêhôva treng uănh ma phung song jêh ri trôm tôr Păng iăt bâr nter kuăl

16. Muh măt păng ƀư rlăng đah phung ƀai Gay jut lơi nau bu dơi kah gĭt ma khân păng bơh neh ntu.

17. Phung song nter Yêhôva tăng, jêh ri tâm rklaih khân păng bơh lĕ nau rêh ni.

18. Yêhôva gŭ dăch đah phung bunuyh geh nuih n'hâm ok rgănh. Jêh ri tâm rklaih phung geh huêng rngot ma nau tih

19. Nơm song geh âk nau rêh ni Ƀiă lah Yêhôva rklaih khân păng bơh nau khĭt

20. Păng n'gang an lĕ nting nđăng khân păng Mâu geh du mlâm deh

21. Nau ƀai mra nkhĭt nơm ƀai Jêh ri phung tâm rmot ma nơm song mra dơn nau tâm rmal.

22. Yêhôva tâm chuai huêng phung oh mon Păng. Jêh ri mâu geh du huê nơm du krap tâm Păng mra dơn nau tâm rmal.