Nau Mprơ Ơm - Đoạn 24

1. Neh jêh ri mpô mpa kalơ neh, Neh ntu jêh ri lĕ rngôch mbu nâm gŭ tâm nây jêng ndơ Yêhôva da dê.

2. Yorlah Păng yơh bol neh ta kalơ dak rlai Jêk ri ăn păng nâp ta kalơ lĕ dak toyh,

3. Mbu mra hao ta yôk Yêhôva? Jêh ri mbu nâm mra dơi gŭ ngau tâm ntuk kloh ueh Păng?

4. Nơm geh ti jêh ri nuih n'hâm kloh Nơm mâu jao huêng păng ma nau mƀruh. Mâu lĕ ton săk ma nau mƀruh.

5. Păng mra geh nau ueh lăng tă bơh Yêhôva Jêh ri nau song srăng tă bơh Brah Ndu, nau tâm rklaih păng

6. Tâm ban pô aơ jêng phung joi Păng, Phung joi muh măt Brah Ndu Yakôb.

7. Ơ phung mpông pêr, ngơk hom bôk Ơ phung mpông pêr n'ho ro, pơk ăn prêh, Gay ma hađăch chrêk rmah mra lăp.

8. Mbu jêng hađăch chrêk rmah aơ Aơ jêng Yêhôva, Nơm katang Nơm brah Yêhôva katang tâm nau tâm lơh

9. Ơ phung mpông pêr, yơk hom bôk! Ơ mpông pêr n'ho ro, pơk hom ăn prêh, Gay ma hađăch chrêk rmah mra lăp

10. Mbu jêng hađăch chrêk rmah aơ? Aơ jêng Yêhôva kahan âk Păng yơh jêng hađăch chrêk rmah.