Nau Mprơ Ơm - Đoạn 22

1. Ơ Brah Ndu gâp, Ơ Brah Ndu gâp, Mâm ƀư may cha lơi gâp? Mân ƀư may gŭ ngai mâu uch kơl gâp, jêh ri mâu tăng gâp nđêng?

2. Ơ Brah Ndu gâp, gâp nter tâm nŭng-nar, ƀiălah mâu saơ may plơ̆ lah ôh;

3. Ƀiălah may jêng Nơm Kloh Ueh. nau phung Isarael tâm rnê.

4. Phung mbơ̆ hên rnơm jêh, jêh ri may tâm rklaih jêh khân păng.

5. Khân păng nter jêh ma may, jêh ri may tâm rklaih jêh khân păng; Khân păng rnơm ma may jêh, jêh ri may mâu ƀư bêk khân păng ôh.

6. Ƀiălah gâp jêng du mlâm ndrung jêh ri mâu tăp du huê bunuyh ôh. Gâp jêng ndơ ƀư bêk ma bunuyh, jêh ri ndơ ƀon lan tâm rmot.

7. Lĕ rngôch mbu nâm saơ gâp gơm mưch ma gâp Khân păng nsuet mbung jêh ri rteh bôk lah,

8. Păng rnơm jêh ma Yêhôva, gay ma Yêhôva tâm rklaih păng Ăn Yêhôva tâm rklaih păng, Yorlah Yêhôva rong ma păng

9. Ơ, may ngluh jêh gâp tă bơh ndul me; may ƀư nâp jêh nau gâp rnơm dôl rnôk gâp gŭ ta ntang ntơh me gâp.

10. may ho chiă uănh jêh gâp ntơm bơh ndul me Ntơm bơh me deh ma gâp may ho jêng Brah Ndu gâp jêh

11. Lơi ta gŭ ngai đah gâp, Yorlah nau uh ah ho dăch jêh; Yorlah mâu geh du huê văch koh dong gâp

12. Geh âk ndrôk nkuăng nchueng jum gâp. Phung ndrôk nkuăng katang tă bơh Basan gŭ jum gâp

13. Khân păng ha mbung uch ƀư ma gâp, Tâm ban ma yau mur gŭ sa hêk jêh ri ngrông

14. Gâp jêng tâm ban ma dak bu nkhut lơi Jêh ri lĕ rngôch nting gâp mâu hôm tâm nsĭr ôh. Play nuih gâp tâm ban ma mpêt, păng lêk tâm proch, klơm gâp

15. N'hâm suan gâp sơh kro tâm ban ma neh bŏk pêt Sêk gâp iang ma mơr dơ̆ may ăn gâp bêch tâm neh rmuy nau khĭt

16. Yorlah phung so gŭ jum gâp Du phung janh nchueng jum gâp Khân păng ntâp bluh jâng ti gâp.

17. Gâp dơi kơp lĕ rngôch nting gâp Phung rlăng đah gâp uănh gâp jêh ri sot măt ma gâp.

18. Khân păng tâm pă ndrăng khân păng nơm bok ao gâp. Jêh ri khân păng ƀư tâm nchroh ma ao jâr gâp.

19. Ƀiă lah lơi ta gŭ ngai ôh đah gâp, ơ Yêhôva Nau Brah may jêng katang, koh dong gâp gơnh

20. King an huêng gâp bơh đao gưm, Nau rêh gâp bơh phung so.

21. Rklaih an gâp bơh trôm mbung yau mur, Bơh nke phung rpu bri, may ho tăng jêh bâr gâp.

22. Gâp mra mbơh amoh may ma phung oh nâu gâp Tâm rnê ma Brah Ndu tâm nklang phung gŭ rƀŭn

23. Khân may klach mbah yơk ma Yêhôva, tâm rnê hom ma Păng Lĕ rngôch khân may jêng kon sau Yakôb, ăn nau chrêk rmah ma păng Râp sâr hom ta năp măt păng, lĕ rngôch phung kon sau Israel.

24. Yorlah păng mâu mâp tâm rmot mâu lah ƀư ƀơ̆ ma nau jêr phung rêh ni ôh, Păng mâu mâp pôn măt ma khân păng ôh Ƀiă lah păng gŭ iăt tơ lah bu nter ma păng

25. Tâm nau rƀun toyh may mra jêng nơm gâp tâm rnê. Gâp mra ƀư ăn jêh nau gâp ton ta năp phung klach yơk ma păng

26. Phung blau tông bâr mra sông sa, jêh ri khân păng mra hơm, phung joi Yêhôva mra tâm rnê ma Păng Ăn nuih n'hâm khân may gŭ rêh ƀaƀơ n'ho ro.

27. Lĕ puăn jônh bri mra plơ̆ kah gĭt ma Yêhôva Lĕ rngôch mpôl bunuyh mra chon mon mbah ta năp may

28. Yorlah ƀon bri hađăch jêng ndơ Yêhôva păng chiă uănh phung mpôl băl bunuyh.

29. Lĕ rngôch phung toyh ta neh ntu mra sông sa jêh ri mra chon mon mbah lĕ Lĕ rngôch phung jur tâm neh rmuy mra chon mon mbah ta năp Păng

30. Phung kon sau mra pah kan ma Păng Bu mra kơp khân păng jêng kon sau Kôranh Brah

31. Kon sau nây mra tât nsong mbơh nau ueh lăng Păng Mbơh ma bunuyh ƀon lan jêh ri kan Păng mra deh.