Nau Mprơ Ơm - Đoạn 21

1. Ơ Yêhôva, hađăch mra geh nau răm maak tâm nau katang may; Jêh ri păng, mra maak hâu ngăn ngên tâm nau may tâm rklaih!

2. may ăn jêh ma păng nau nuih n'hâm uch Jêh ri may mâu dun ôh moh nau bâr mbung păng dăn

3. Yorlah ma nau ueh uĭn bơh nau may yô̆, may hăn tâm mâp jêh đah păng. may ndô jêh ta bôk păng đon hađăch mah kloh

4. Păng dăn ma may nau rêh, may ăn jêh ma păng, Nau rêh ueh jêh ri gŭ n'ho ro

5. Yor nau Brah Ndu tâm rklaih, păng geh nau chrêk rmah hâu ngăn. may dơm tâm păng nau yơk jêh ri nau rnam.

6. Yorlah may ăn păng jêng nơm geh nau ueh uĭn âk lơn ƀaƀơ n'ho ro.

7. may mbêng păng ma nau răm ta năp muh măt may.

8. Ti may mra hăn joi lĕ rngôch phung rlăng đah may Ti ma may mra hăn joi di phung rlăng ma may;

9. may mra ƀư ma khân păng nâm bu unh năk duh, tâm may mra tâm mpơl Yêhôva mra rvăn ăn phung nây tâm nau păng khek Jêh ri unh mra sa khân păng

10. may mra ăn roh phung kon sau khân păng bơh neh ntu, jêh ri mpôl khân păng tă tâm nklang phung kon bunuyh

11. Khân păng uch ƀư mhĭk ma may, Khân păng mĭn ƀư nau ƀai, ƀiă lah khân păng mâu dơi jêng ôh

12. Yorlah may mra ăn khân păng du, may nchrong na may ma khân păng

13. Ơ Yêhôva, ăn may geh nau yơk tâm nau katang may; Pôri hên mra mprơ, tâm rnê ma nau brah may.