Nau Mprơ Ơm - Đoạn 149

1. Halêluya, Mprơ hom ma Yêhôva du nau mprơ mhe, Mprơ hom nau tâm rnê ma Păng, tâm nau tâm rƀŭn phung kloh ueh.

2. Ăn phung Israel răm maak tâm nơm rhăk njêng jêh khân păng. Ăn phung kon ƀon Siôn răm maak tâm hađăch khân păng.

3. Ăn khân păng tâm rnê ma amoh Yêhôva ma nau kadŏ. Ăn khân păng tâm rnê ma Kôranh Brah ma gâr jê̆ jêh ri ma gong rêng.

4. Yorlah Yêhôva geh nau maak tâm phung ƀon lan Păng; Păng mra ndrăp phung tông bâr ma nau tâm rklaih.

5. Ăn phung kloh ueh geh nau maak tâm nau chrêk rmah. Ăn khân păng mprơ hâk maak ta sưng bêch khân păng.

6. Ăn nau tâm rnê ma Brah Ndu gŭ tâm trôm mbung khân păng, Jêh ri đao gưm măt bar gŭ tâm ti khân păng;

7. Ŭch ƀư nau plơng bôk ma phung mpôl băl, Gay ma tâm rmal phung ƀon lan;

8. Ŭch kât chăp phung hađăch khân păng ma rse rvăk, jêh ri phung toyh khân păng chăp ma rse loih.

9. Ŭch ƀư ma khân păng nau phat dôih bu chih jêh; Lĕ rngôch phung kloh ueh păng geh nau chrêk rmah nây. Halêluya.