Nau Mprơ Ơm - Đoạn 116

1. Gâp rŏng ma Yêhôva Yorlah păng iăt bârgâp jêh ri nau gâp vơh vơl.

2. Yorlah păng rkêng jêh tôr păng ma gâp, Pô ri gâp mra kuăl mbơh sơm ma păng lĕ nar gâp gŭ rêh.

3. Brăt nau khĭt vân jêh jŭm gâp, jêh ri nau ji Ƀon Phung Khĭt, kuăn rdâng jêh gâp; nau uh ah jêh ri nau rngot klâng, ƀư jêh ma gâp.

4. Dôl nây gâp kuăl mbơh sơm jêh ma amoh Yêhôva, Ơ Yêhôva, gâp vơh vơl ma may, tâm rklaih huêng gâp.

5. Yêhôva jêng ueh jêh ri sŏng; Nanê̆, Brah Ndu he blau yô̆.

6. Yêhôva chiă uănh phung tông bâr; Gâp jêng rêh ni, jêh ri păng rklaih jêh gâp.

7. Ơ huêng gâp, lŏ sĭt hom ma nau may rlu; Yorlah Yêhôva ƀư ueh ma may rmeh ler.

8. Yorlah may rklaih jêh huêng gâp bơh nau khĭt, Măt gâp bơh nau nhĭm, Jâng gâp bơh nau prah.

9. Gâp mra hăn ta năp Yêhôva ta neh phung rêh.

10. Gâp chroh, yor nây gâp ngơi, gâp jêng rêh ni ngăn;

11. Gâp lah tâm nau gâp mâu geh mĭn, Lĕ rngôch phung bunuyh jêng phung mƀruh

12. Moh gâp mra mplơ̆ ma Yêhôva. Yor lĕ nau ueh păng ƀư jêh ma gâp?

13. Gâp mra sŏk kachok nau tâm rklaih Jêh ri kuăl mbơh sơm ma amoh Yêhôva.

14. Gâp mra nanê̆ nau gâp ton ma Yêhôva, Na nê̆, ta năp lĕ rngôch phung ƀon lan păng.

15. Nau phung kloh ueh păng khĭt. Jêng khlay ngăn ta năp măt Yêhôva.

16. Ơ Yêhôva, nanê̆ gâp jêng oh mon may may doh jêh brăt kât gâp.

17. Gâp mra nhhơr ma may ndơ nhhơr tâm rnê ma may. Jêh ri gâp mra kuăl mbơh sơm ma amoh Yêhôva.

18. Gâp mra ƀư na nê̆ nau gâp ton ma Yêhôva, Na nê̆, ta năp lĕ rngôch phung ƀon lan păng,

19. Tâm nkual ngih Yêhôva, ta nklang may, Ơ ƀon Yêrusalem, Halêluya.