Nau Mprơ Ơm - Đoạn 112

1. Halêluya, Ueh maak yơh, nơm blau klach yơk ma Yêhôva, Jêh ri rŏng ngăn ma nau păng ntăm.

2. Phung kon sau păng, mra jêng katang ta neh ntu; Rnôk phung bunuyh sŏng mra geh nau ueh.

3. Nau rmeh ler, jêh ri nau ndrŏng gŭ tâm ngih păng; Jêh ri nau sŏng srăng păng, gŭ ƀaƀơ.

4. Nau ang sol tâm nau ngo, ma nơm sŏng. Ma nơm ueh, blau yô̆, jêh ri sŏng.

5. Ueh maak bunuyh ƀư nau yô̆, jêh ri ăn bu chan; Păng mra nkra nau păng gŭ ngau krau sach, tĭng nâm nau sŏng.

6. Yorlah păng mâu mra n'gơ ôh; Bu mra kah gĭt ƀaƀơ ma nau sŏng.

7. Păng mâu mra klach, ma nau mhe nkoch nau mhĭk; Nuih n'hâm păng nâp rjăp, rnơm ma Yêhôva.

8. Nuih n'hâm păng jêng nâp jêh, păng mâu mra klach ôh. Kŏ saơ nau păng ŭch ăn tât ma phung rlăng păng.

9. Păng tâm pă jêh; păng ăn jêh ma phung o ach; Nau sŏng srăng păng gŭ n'ho ro; Nke păng mra hao ma nau yơk.

10. Bunuyh ƀai mra saơ, jêh ri ji nuih n'hâm; Păng mra rket sêk; jêh ri roh; Nau phung ƀai ŭch mra rai lôch.