Nau Mprơ Ơm - Đoạn 11

1. Gâp gŭ krap tâm Yêhôva; Mâm ƀư may lah ma huêng gâp may hăn du hom tâm yôk may, tâm ban ma du mlâm sĭm

2. Yorlah phung ƀai ho van jêh na: Khân păng dăp hăr, Uch pănh tâm phung geh nuih n'hâm song dôl ngo

3. Tơlah ntur ngih rlâm jêh, Moh nơm song dơi ƀư?

4. Yêhôva gŭ tâm ngih brah kloh ueh Păng Yêhôva geh sưng hađăch Păng tâm trôk Măt Păng uănh, sâng măt Păng treng, phung kon bunuyh.

5. Yêhôva rlong uănh phung song; Ƀiă lah Păng tâm rmot ma phung ƀai jêh ri ma phung uch ƀư nau janh ƀai

6. Păng mra nkhut sa ônh hâng ta phung ƀai Unh, mô ŭnh jêh ri sial duh jêng kachok bu tâm pă ăn ma khân păng

7. Yorlah Yêhôva jêng song; Păng rong ma nau song srăng, Phung bunuyh song mra uănh muh măt Păng.