Nau Mprơ Ueh - Đoạn 5

1. Hơi oh gâp, ur gâp, gâp văch ta n'gar trao gâp, gâp dônh dak mir nđâp ndơ ƀâu kah gâp, gâp sa mpông sŭt nđâp ma dak sŭt gâp, gâp hŏ nhêt dak play kriăk ƀâu gâp nđâp dak toh ndrôk gâp.

2. Gâp hŏ bêch jêh, ƀiălah nuih n'hâm gâp hom e rngeh. Iăt hom! Nơm gâp rŏng goh mpông. Pơk hom ma gâp, Hơi oh gâp, nơm gâp rŏng, plŭk gâp nơm ueh ngăn ngên; Yorlah bôk gâp bĕ đah dak ngom, Sŏk gâp bĕ dak ngom dôl bri măng

3. Gâp doh lơi lĕ kho ao gâp, pôri mâm dơi gâp nsoh đŏng? Gâp lĕ rao jêh jâng gâp, Pôri mâm gâp dơi ƀư ƀơ̆ đŏng khân păng?

4. Nơm gâp rŏng lĕ djôt jêh lăk-lê mpông, jêh ri nuih n'hâm gâp mpât rđŭk ro.

5. Gâp dâk gay pơk ăn ma nơm gâp rŏng, jêh ri dak mir truh ta ti gâp, ƀư bĕ nglau ti gâp, dôl gâp kuăn lăk-lê mpông.

6. Gâp hŏ pơk jêh ma nơm gâp rŏng, ƀiălah nơm gâp rŏng le du sĭt jêh. Nuih n'hâm gâp joi dôl păng ngơi, Gâp joi păng, ƀiălah mâu saơ păng ôh, Gâp kuăl păng, ƀiălah păng mâu saơ păng ôh, Gâp kuăl păng, ƀiălah păng mâu ơh ôh.

7. Phung gak tâm mâp ma gâp, dôl khân păng nsong tâm ƀon; khân păng dong gâp, ăn gâp sôt, phung gak ta mpêr sŏk rdu ao jâr gâp

8. Gâp ntĭnh khân ay, Hơi phung kon bu ur ƀon Yêrusalem, tơlah khân ay saơ nơm gâp rŏng, mbơh an ma păng, gâp ji yor nau gâp rŏng. phung băl:

9. Mâm nơm ay rŏng jêng rlau lơn ma nơm bu êng rŏng, Hơi nơm ueh reh lơn ma phung bu ur êng? Mâm nơm rŏng jêng rlau lơn ma nơm bu êng rŏng, Kŏ tât ay ntĭnh ma hên nâm bu pônây?

10. Nơm gâp rŏng jêng ueh ngăn jêh ri bok dŭm, Nau lơn ta nklang phung du rmưn nuyh.

11. Bôk păng jêng nâm bu miah khlay lơn sŏk păng kruănh, krăk nsrêk nâm bu nđak

12. Măt păng nâm bu măt plŭk gŭ dăch tu dak, lĕ rao jêh ma dak toh ndrôk, măt păng gŭ di ntŭk.

13. Bom păng nâm bu n'gar ndơ ƀâu kah, ntô̆ rdu n'hôl ƀâu kah. Mbung păng nâm bu kao lili, Ăn truh dak mir.

14. Nting tur păng nâm bu glo miah mlâm, lĭr ndop lŭ khlay. Săk jăn păng nâm bu ndơ bu ƀư ma la, Lĭr ndop lŭ saphir

15. Jâng păng nâm bu meh gâng lŭ marbrơ, bu ndâk ta kalơ mbon miah Bu uănh ma păng jêng nâm bu bri Liban, Ueh nâm bu tơm si sêdar.

16. Nau păng ngơi ueh tôr iăt, jêh ri bu rŏng ngăn ma păng, Nây yơh jêng nơm gâp rŏng jêh ri jêng mĭt jiăng gâp, Hơi phung bu ur ƀon Yêrusalem.