Y-Yôsuê - Đoạn 21

1. Phung kôranh ngih mbơ̆ phung Lêvi hăn ma Y-Êlêasar kôranh ƀư brah ma Y-Yôsuê kon bu klâu Y-Nun jêh ri ma phung kôranh ngih mbơ̆ ndŭl mpôl phung Israel,

2. Ngơi lah ma khân păng ta ƀon Silô ta bri Kanaan, "Yêhôva ntăm jêh đah Y-Môis gay ma bu ăn ƀon ma hên gŭ, jêh ri neh ndrêch gơ̆ jŭm ƀon, prăp ma mpô mpa hên rong."

3. Pô nây, tĭng nâm nau Yêhôva ntăm, phung ƀon lan Israel ăn ma phung lêvi ndơn drăp ƀon toyh aơ jêh ri neh ndrêch gơ̆ văr jŭm ƀon,

4. nau nchroh n'hôr tât ma ngih phung Kôhat, Pô nây, phung Lêvi aơ kon sau Y-Arôn kôranh ƀư brah sŏk dơn ma nau nchroh jât ma pe rplay ƀon bơh ndŭl mpôl phung Yuđa, phung Simôôn, jêh ri Benjamin,

5. phung Kôhat hôm sŏk dơn ma nau nchroh jât rplay ƀon bơh ngih ndŭl mpôl phung Êphraim, ndŭl mpôl phung Dan, jêh ri du n'gul ndŭl mpôl Manasê.

6. Phung Gêrsôn sŏk dơn ma nau nchroh jât ma pe rplay ƀon bơh ngih ndŭl mpôl phung lsakar, ndŭl mpôl phung Aser, ndŭl mpôl phung Naptali, jêh ri du n'gul ndŭl tâm bri Basan.

7. Phung Mêrari tĭng nâm rnăk nor khân păng sŏk dơn jât ma bar rplay ƀon bơh ndŭl mpôl phung Ruben, ndŭl mpôl phung Gat, jêh ri ndŭl mpôl phung Sabulôn.

8. Phung ƀon lan Israel ăn ma phung Lêvi ma nau nchroh lĕ ƀon nây n'hanh ma ndrêch gơ̆ khân păng, tĭng nâm Yêhôva ntăm jêh ma Y-Môis.

9. Bơh ndŭl mpôl phung Yuda jêh ri ndŭl mpôl phung Simêôn, khân păng ăn jêh ƀon geh a moh rŏ tâm dâng aơ,

10. di ma phung kon sau Y-Arôn, du rnăk phung Kôhat bơh phung Lêvi, yor lah nau nchroh tât ma khân păng lor lơn.

11. Phung Yuđa ăn ma khân păng ƀon Kiriat Arba (Bu ntơ Hêbron). Y-Arba jêng mbơ̆ Y-Anak, tâm bri kalơ dor Yuda, nđâp ma ndrêch gơ̆ văr jŭm ƀon.

12. Ƀiă lah mir nđâp ma ƀon jêh ri ƀon jê̆ bu ăn ma Y-Kalep kon bu klâu Y-Jêphunê jêng ndơ ăn păng chăm.

13. Jêh ri khân păng ăn ma phung kon sau Y-Arôn kôranh ƀư brah ƀon Hêbron, ƀon du krap ma nơm nkhĭt bunuyh, nđâp ma ndrêch gơ̆ păng ƀon Lipna nđâp ma ndrêch gơ̆ păng,

14. ƀon Jatir nđâp ma ndrêch gơ̆ păng, ƀon Êtêmôn nđâp ma ndrêch gơ̆ păng,

15. ƀon Hôlon nđâp ma ndrêch gơ̆ păng, ƀon Dêbir nđâp ma ndrêch gơ̆ păng,

16. ƀon Ain nđâp ma ndrêch gơ̆ păng, ƀon juta nđâp ndrêch gơ̆ păng, ƀon Bet Sêmes nđâp ma ndrêch gơ̆ păng sĭn rplay ƀon bơh bar phung ndŭl mpôl nây;

17. jêh ri bơh ndŭl mpôl Benjamin, ƀon Gabaôn nđâp ma ndrêch gơ̆ păng, ƀon Gêba nđâp ma ndrêch gơ̆ păng,

18. ƀon Anatôt nđâp ndrêch gơ̆ păng, jêh ri ƀon Almôn nđâp ma ndrêch gơ̆ păng-puăn rplay ƀon,

19. lĕ rngôch ƀon phung kon sau Y-Arôn kôranh ƀư brah geh jât ma pe nđâp ma ntŭk ndrêch gơ̆ khân păng.

20. Phung Lêvi bơh rnăk nor kon sau êng tâm phung Kôhat ƀon bu tâm pă ăn ma khân păng ma nau nchroh gŭ tâm ndŭl mpôl Êphraim.

21. Bu ăn ma khân păng ƀon Sichem, ƀon du krap ma nơm nkhĭt bunuyh, nđâp ma ndrêch gơ̆ tâm bri kalơ dor phung Êphraim, ƀon Gêser nđâp ma ndrêch gơ̆ păng,

22. ƀon Kibsêim nđâp ma ndrêch gơ̆ păng, ƀon Bet Hôron nđâp ma ndrêch gơ̆ păng-puăn rplay ƀon;

23. Jêh ri bơh ndŭl mpôl phung Dan, ƀon Êltêkê nđâp ma ndrêch gơ̆ păng, ƀon Gibêthôn nđâp ma ndrêch gơ̆ păng,

24. ƀon Aijalon nđâp ma ndrêch gơ̆ păng ƀon Gat Rimôn nđâp ma ndrêch gơ̆ păng-puăn rplay ƀon:

25. Jêh ri bơh du n'gul ndŭl mpôl phung Manasê ƀon ta nak nđâp ma ndrêch gơ̆ păng, jêh ri ƀon Gat Rimôn nđâp ma ndrêch gơ̆ păng-bar rplay ƀon.

26. Lĕ rngôch ƀon n'hanh ma ndrêch gơ̆ khân păng prăp ma rnăk nor phung Kôhat hôm geh jât rplay ƀon.

27. Bu ăn ma phung Gerson, rnăk nor phung Lêvi, bơh du n'gul ndŭl mpôl phung Manasê, ƀon Gôlan tâm bri Basan nđâp ma ndrêch gơ̆ păng, ƀon du krap prăp ma nơm nkhĭt bunuyh, jêh ri ƀon Bêtêra nđâp ma ndrêch gơ̆ păng bar rplay ƀon;

28. Jêh ri bơh ndŭl mpôl phung lsakar ƀon Kision nđâp ma ndrêch gơ̆ păng, ƀon Dabêrat nđâp ma ndrêch gơ̆ păng.

29. Ƀon Jarmut nđâp ma ndrêch gơ̆ păng, ƀon Ênganim nđâp ma ndrêch gơ̆ păng, puăn rplay ƀon;

30. jêh ri bơh ndŭl mpôl phung Aser ƀon Misal nđâp ma ndrêch gơ̆ păng, ƀon Apdon nđâp ma ndrêch gơ̆ păng,

31. ƀon Hêlkat nđâp ma ndrêch gơ̆ păng-puăn rplay ƀon;

32. jêh ri bơh ndŭl mpôl phung Naptili ƀon Kadês tâm bri Galilê nđâp ma ndrêch gơ̆ păng, ƀon du krap prăp ma nơm nkhĭt bunuyh ƀon Hamôt Dor nđâp ma ndrêch gơ̆ păng, jêh ri ƀon Kartan nđâp ma ndrêch gơ̆ păng, pe rplay ƀon.

33. Lĕ rngôch ƀon ma lĕ rnăk nor phung Gêrsôn geh jât ma pe rplay ƀon nđâp ma ndrêch gơ̆ khân păng.

34. Ma phung Lêvi ê hŏ geh, lĕ rnăk Mêrari, bu ăn bơh ndŭl mpôl phung Sabulôn ƀon Jok nêam ndrel ndrêch gơ̆ păng, ƀon Karta ndrel ma ndrêch gơ̆ păng,

35. ƀon Dimna ndrel ma ndrêch gơ̆ păng, ƀon Nahalal ndrel ndrêch gơ̆ păng-puăn rplay ƀon:

36. Jêh ri bơh ndŭl mpôl phung Ruben ƀon Bêser ndrel ma ndrêch gơ̆ păng, ƀon jalas ndrel ma ndrêch gơ̆ păng,

37. ƀon Kêdêmôt ndrel ma ndrêch gơ̆ păng, jêh ri ƀon Mêphat ndrel ma ndrêch gơ̆ păng-puăn rplay ƀon;

38. jêh ri bơh ndŭl mpôl Gat ƀon Ramôt tâm bri Galaat ndrel ma ndrêch gơ̆ păng, ƀon du krap prăp ma nơm nkhĭt bunuyh, ƀon Mahanaim ndrel ma ndrêch gơ̆ păng,

39. ƀon Hêsbon ndrel ma ndrêch gơ̆ păng, ƀon Jaser ndrel ma ndrêch gơ̆ păng-lĕ rngôch geh puăn rplay ƀon.

40. Bi ƀon ma lĕ rngôch phung Mêrari, nâm bu ntĭt tĭng nâm rnăk nor phung Lêvi hôm, ƀon nây tâm pă ma khân păng geh lĕ rngôch jât ma bar rplay.

41. Lĕ rngôch drăp ƀon phung Lêvi ndơn tă ta nklang phung ƀon lan Israel geh puăn jât ma pham rplay ƀon ndrel ma ndrêch gơ̆ khân păng.

42. Ăp rplay ƀon nây geh ndrêch gơ̆ păng nơm văr jŭm, kơt nây da dê tâm lĕ rngôch-ƀon nây.

43. Pô nây yơh Yêhôva ăn ma phung Israel lĕ bri păng ton ăn ma phung che khân păng; phung ƀon lan Israel ndơn jêh ri gŭ chăm tâm bri nây.

44. Jêh ri Yêhôva ăn ma khân păng tâm lam ntŭk dơi geh nau rlu, tĭng nâm păng ton jêh ma phung che khân păng: mâu hôm geh ôh du phung rlăng khân păng dơi tâm rdâng đah khân păng, yor lah Yêhôva jao jêh lĕ phung rlăng nây tâm ti khân păng.

45. Tâm lĕ nau ueh Yêhôva hŏ ăn jêh ma ngih Israel, mâu geh ôh du ntil nau mâu jêng ngăn: Lĕ rngôch di ngăn da dê jêh.