Nau Kơp - Đoạn 26

1. Lĕ rngơt jêh nau khĭt ji tưp, Yêhôva lah ma Y-Môis jêh ri Y-Êlêasar kon bu klâu Y-Arôn, kôranh ƀư brah.

2. "Ƀư hom nau kơp lĕ rngôch phung ƀon lan Israel tâm rƀŭn ntơm bơh nơm geh bar jê̆t năm leo kalơ, tĭng nâm noi deh khân păng, lĕ rngôch phung Israel dơi hăn ma nau tâm lơh."

3. Y-Môis jêh ri kôranh Ƀư brah Y-Êlêasar ngơi ma khân păng tâm neh lâng n'gor Môap dăch dak krong Yurdan tâm tra năp đah ƀon Yêrikô, lah,

4. 'Ƀư hom nau kơp phung ƀon lan ntơm bơh nơm geh bar jê̆t năm leo kalơ; tĭng nâm Yêhôva ntĭnh jêh ma Y-Môis, jêh ri phung Israel hŏ du luh jêh tă bơh n'gor bri Êjipt:

5. Y-Ruben, kon bôk rah ma Y-Israel, phung kon bu klâu Y-Ruben: Jêng Y-Hanôk; tă bơh păng geh luh mpôl Hanôk; tă bơh Y-Palu geh luh phung mpôl băl Palu;

6. tă bơh Y-Hêsron geh luh phung mpôl băl Hêron; tă bơh Y-Karmi geh luh phung mpôl băl Karmi;

7. Aơ jêng phung mpôl Ruben, jêh ri rnoh kơp khân păng geh puăn rmưn pe rbăn pe jê̆t nuyh.

8. Phung kon buklâu Y-Palu: jêng Y-Êliap.

9. Phung kon buklâu Y-Êliap: jêng Y-Nêmuel, Y-Dathan jêh ri Y-Abiram. Aơ yơh Y-Dathan jêh ri Y-Abiram amoh bu săch jêh bơh phung rgum ŭch tâm rdâng đah Y-Môis jêh ri Y-Arôn, yor mpôl ndrel ma Y-Kôrê, tơ lah khân păng tâm rdâng đah Yêhôva.

10. Nây, tơlah neh hă trôm mbung păng rvăn khân păng ndrel ma Y-Kôrê, kŏ tât phung nây khĭt, tơ lah dôl ŭnh sa bar rhiăng prăm jê̆t nuyh buklâu; khân păng leo ƀư pônây.

11. Ƀiălah mpôl Y-Kôrê mâu khĭt lĕ ôh.

12. Phung kon buklâu Y-Simêôn tĭng nâm mpôl khân păng: tă bơh Y-Nênuel deh luh phung mpôl băl Nêmuel; tă bơh Y-Jamin deh luh phung mpôl băl Jamin; tă bơh Y-Jakin deh luh phung mpôl băl Jakin;

13. tă bơh Y-Sêra deh luh phung mpôl băl Sêra; tă bơh Y-Sal deh luh phung mpôl băl sal.

14. Aơ jêng phung mpôl Simêôn, geh bar rmưn bar rbăn bar rhiăng nuyh.

15. Phung kon buklâu Y-Gat tĭng nâm phung mpôl băl khân păng: tă bơh Y-Sêphôn deh luh phung mpôl băl Sêphôn; tă bơh Y-Hagi deh luh phung mpôl băl Hagi; tă bơh Y-Suni deh luh phung mpôl băl Suni;

16. tă bơh Y-Ôsni deh luh phung mpôl băl Ôsni; tă bơh Y-Êri deh luh phung mpôl băl Êri;

17. tă bơh Y-Arôt deh luh phung mpôl băl Arôt; tă bơh Y-Arêli deh luh mpôl băl Arêli;

18. aơ phung mpôl phung kon bu klâu Y-Gat, tĭng rnoh kơp khân păng, geh puăn rmưn prăm rhiăng nuyh.

19. Phung kon buklâu Y-Yuda: jêng Y-Êr jêh ri Y-Ônan; ƀiălah Y-Êr jêh ri Y-Ônan lĕ khĭt jêh tâm n'gor Kanaan.

20. Aơ phung kon buklâu Y-Yuda tĭng nâm mpôl băl khân păng: tă bơh Y-Sêla deh luh phung mpôl băl Sêla; tă bơh Y-Pêres deh luh phung mpôl băl Pêres; tă bơh Y-Sêra deh luh phung mpôl băl Sêra.

21. Phung kon buklâu Y-Pêres: tă bơh Y-Hêsron deh luh phung mpôl băl Hêsron; tă bơh Y-Hamul deh luh phung mpôl băl Hamul.

22. Aơ phung mpôl Yuda tĭng nâm rnoh kơp khân păng, geh pơh rmưn prao rbăn prăm rhiăng nuyh.

23. Phung kon bu klâu Y-Isakar tĭng nâm mpôl băl khân păng: tă bơh Y-Tôla deh luh phung mpôl băl Tôla; tă bơh Y-Puwa deh luh phung mpôl băl Puwa;

24. tă bơh Y-Jasup deh luh phung mpôl băl Jasup; tă bơh Y-Simrôn deh luh phung mpôl băl Simrôn.

25. Aơ phung mpôl băl Y-Isakar tĭng nâm rnoh kơp khân păng, geh prao rmưn puăn rbăn pe rhiăng nuyh.

26. Phung kon buklâu Y-Sabulôn tĭng nâm mpôl băl khân păng: tă bơh Y-Sêret deh luh phung mpôl băl Sêret; tă bơh Y-Êlon deh luh phung mpôl băl Êlon; tă bơh Y-Jahlêel deh luh phung mpôl băl Jahlêel.

27. Aơ phung mpôl Sabulôn tĭng nâm rnoh kơp khân păng, geh prao rmưn prăm rhiăng nuyh.

28. Phung kon bu klâu Y-Yôsep tĭng nâm phung mpôl băl khân păng: Y-Manasê jêh ri Y-Êphraim.

29. Phung kon buklâu Y-Manasê: tă bơh Y-Makir deh luh phung mpôl băl Makir; Y-Makir jêng mbơ̆ ma Y-Galaat; tă bơh Y-Galaat deh luh phung mpôl băl Galaat.

30. Aơ phung kon bu klâu Y-Galaat: tă bơh Y-Iêser deh luh phung mpôl băl Iêser; tă bơh Y-Hêlek deh luh phung mpôl băl Hêlak;

31. tă bơh Y-Ariel deh luh phung mpôl băl Ariel; tă bơh Y-Sichem deh luh phung mpôl băl Sichem;

32. tă bơh Y-Sêmida deh luh phung mpôl băl Sêmida; tă bơh Y-Hêpher deh luh phung mpôl băl Hêpher.

33. Jêh ri Y-Sêlôpêhat kon bu klâu Y-Hêpher mâu geh ôh kon buklâu, ƀiălah geh dơm phung kon bu ur. Amoh phung kon bu ur Y-Sêlôpêhat: H'Mahla, H'Nôa, H'Hôgla, H'Milka, jêh ri H'Tirsa.

34. Aơ jêng phung mpôl Manasê, rnoh kơp khân păng geh prăm rmưn bar rbăn pơh rhiăng nuyh.

35. Aơ phung kon bu klâu Y-Êphraim tĭng nâm mpôl băl khân păng: tă bơh Y-Suthêla deh luh phung mpôl băl Suthêla; tă bơh Y-Bêker deh luh phung mpôl băl Bêker; tă bơh Y-Tahan deh luh phung mpôl băl Tahan.

36. Aơ phung kon buklâu Y-Suthêla: Tă bơh Y-Êran deh luh phung mpôl băl Êran.

37. Aơ phung kon buklâu Y-Yôsep tĭng nâm phung mpôl khân păng.

38. Phung kon bu klâu Y-Benjamin tĭng nâm phung mpôl băl khân păng: tă bơh Y-Bêla deh luh phung mpôl băl Bêla; tă bơh Y-Asbel deh luh phung mpôl băl Asbel; tă bơh Y-Ahiram deh luh phung mpôl băl Ahiram;

39. tă bơh Y-Sêphupham deh luh phung mpôl băl Sêphupham; tă bơh Y-Hupham deh luh phung mpôl băl Hupham.

40. Phung kon bu klâu Y-Bêla: Y-Ardơ jêh ri Y-Naman. Tă bơh Y-Ardơ deh luh phung mpôl băl Ardơ; tă bơh Y-Naman deh luh phung mpôl băl Naman;

41. Aơ phung kon buklâu Y-Benjamin tĭng nâm phung mpôl băl khân păng; jêh ri rnoh kơp khân păng geh puăn rmưn prăm rbăn prao rhiăng nuyh.

42. Aơ phung kon bu klâu Y-Dan tĭng nâm phung mpôl băl khân păng: tă bơh Y-Suham deh luh phung mpôl băl Suham. Aơ phung mpôl Dan tĭng nâm phung mpôl băl khân păng.

43. Lĕ rngôch mpôl Suham tĭng nâm rnoh kơp khân păng, geh prao rmưn puăn rbăn puăn rhiăng nuyh.

44. Phung kon buklâu Y-Aser tĭng nâm phung mpôl băl khân păng: tă bơh Y-Imna deh luh phung mpôl băl Imna; tă bơh Y-Iswi deh luh phung mpôl băl Imna; tă bơh Y-Iswi deh luh phung mpôl băl Iswi; tă bơh Y-Bêria deh luh phung mpôl băl Bêria.

45. Phung kon buklâu Y-Bêria: tă bơh Y-Hêber deh luh phung mpôl băl Hêber; tă bơh Y-Malkiel deh luh phung mpôl băl Malkiel.

46. Amoh phung kon bu ur Y-Aser jêng H'Sêra.

47. Aơ phung mpôl phung kon buklâu Y-Aser tĭng nâm rnoh kơp khân păng, geh prăm rmưn pe rbăn puăn rhiăng nuyh.

48. Phung kon buklâu Y-Naptali tĭng nâm phung mpôl băl khân păng: tă bơh Y-Jasêel deh luh phung mpôl băl Jasêel; tă bơh Y-Guni deh luh phung mpôl băl Guni;

49. tă bơh Y-Jêser deh luh phung mpôl băl Jêser tă bơh Y-Silem deh luh phung mpôl băl Silem.

50. Aơ phung mpôl Y-Naptali tĭng nâm phung mpôl băl khân păng; jêh ri rnoh kơp khân păng geh puăn rmưn prăm rbăn puăn rhiăng nuyh.

51. Aơ rnoh kơp phung ƀon lan Israel, geh prao rsen du rbăn pơh rhiăng pe jê̆t nuyh.

52. Yêhôva lah ma Y-Môis,

53. "Ma phung aơ bu mra tâm pă neh jêng drăp ndơn chăm tĭng nâm rnoh kơp amoh khân păng.

54. Ma ndŭl mpôl âk may dơi ăn ndơn drăp toyh lơn, ndŭl mpôl rnoh ƀon lan ƀhôi, pô ri dơi ăn ndơn drăp jê̆ lơn. May mra ăn ma ăp ndŭl mpôl ndơn drăp khân păng tĭng nâm rnoh kơp khân păng.

55. Ƀiălah may mra tâm pă n'gor neh ma nau tâm nchroh; khân păng mra ndơn drăp tĭng nâm amoh phung ndŭl mpôl noi deh khân păng.

56. Ăn may tâm pă ndơn drăp khân păng tĭng nâm nau tâm nchroh ƀă di toyh lơn, ƀă di jê̆ lơn."

57. Aơ phung Lêvi bu kơp jêh tĭng nâm phung mpôl khân păng: tă bơh Y-Gersôn deh luh phung mpôl băl Gersôn; tă bơh Y-Kôhat deh luh phung mpôl băl Kôhat; tă bơh Y-Mêrari deh luh phung mpôl băl Mêrari.

58. Aơ phung mpôl Lêvi: mpôl phung Lipni; mpôl phung Hêbron; mpôl phung Mahli, mpôl phung Musi, mpôl phung Kôra. Y-Kôhat jêng mbơ̆ ma Y-Amram.

59. Amoh ur Y-Amram jêng H'Jôkơbet kon bu ur Y-Lêvi, deh tâm n'gor bri Êjipt; jêh ri păng deh đah Y-Amram, Y-Môis, Y-Arôn jêh ri H'Miriam yuh ma khân păng.

60. Bi Y-Arôn deh Y-Nadap, Y-Abihu, Y-Êlêasar, jêh ri Y-Itham.

61. Ƀiălah Y-Napdap jêh ri Y-Abihu khĭt dôl khân păng nhhơr ŭnh bơh ntŭk êng ta năp Yêhôva.

62. Rnoh kơp khân păng geh bar rmưn pe rbăn nuyh, ăp nơm bu klâu geh du khay leo kalơ; bu mâu kơp ôh khân păng geh ndơn drăp yorlah bu mâu ăn ôh ma khân păng ndrel ma phung ƀon lan Israel.

63. Aơ phung Y-Môis jêh ri Y-Êlêasar kôranh ƀư brah kơp tơ lah khân păng kơp phung ƀon lan Israel tâm neh lâng n'gor Môap dăch dak krong Yurdan tâm tra năp đah ƀon Yêrikô.

64. Ƀiălah tâm phung bunuyh aơ mâu geh du huê bunuyh tâm phung Y-Môis jêh ri kôranh ƀư brah Y-Arôn kơp jêh tơ lah khân păng kơp phung ƀon lan Israel tâm bri rdah Sinai.

65. Yor lah Yêhôva lah jêh yor phung nây, "Khân păng mra khĭt tâm bri rdah." Mâu geh du huê hôm e ôh tâm phung khân păng, kanŏng Y-Kalep kon buklâu Y-Jêphunê jêh ri Y-Yôsuê kon buklâu Y-Nun.